Авлигатай тэмцэх газраас яг одоо нийслэлийн Барилга байгууламж, түүний чанар стандарт, хотын архитектур, шинээр барилга байгууламж хүлээн авах эрх бүхий албан тушаалтнуудын гэр, албан өрөөнд нэгжлэг явуулж байна.
Тодруулбал, нийслэлийн Ерөнхий архитектур, барилга байгууламжийн стандартын газрын дарга, барилга байгууламжийн ашиглалт, бүртгэлийн хэлтсийн дарга гэгчлэн нэлээд олон албан тушаалтан уг нэгжлэгт өртжээ.
Барилга байгууламжийг шинээр ашиглалтанд хүлээн авахдаа авлига авдаг зэрэг асуудлуудаар АТГ хэдэн сарын өмнөөс мөрдөн шалгаж эхэлсэн ба уг мөрдлөгийн хүрээнд нэгжлэг хийгдэж байгаа аж.
