Ирэх сонгуулийн дуулианаар нэр бүхий “Шарк”-ууд нэр дэвших тухай мэдээлэл цацагдаад байсан.
Тэгвэл MCS группын Дэд ерөнхийлөгч Д.Энхтүвшин улс төрд орохгүй гэдгээ өөрийн цахим хуудсаараа дамжуулан мэдэгджээ.
Тэрээр “ Улс төрд орохгүй гэдгээ дахиж хэлье гэж бодоод. Улсынхаа сайн сайхны төлөө улс төрд орохгүйгээр хувь нэмрээ оруулах боломжтой гэж боддог. Манай компани улс төр, бизнес тусдаа байх ёстой гэдэг зарчим дээрээ хатуу байдаг.
Анх ажилд ороход манай компани 100 хүрэхгүй хүнтэй байсан бол одоо бид 10’000 -уулаа болж өдөрт 1 орчим тэрбум төгрөгийн татвар төлж, 50’000 өрхийг дундаж давхаргад тогтвортой байлгахын тулд хичээж байгаа нь нийгэмд бодитой, том хувь нэмэр гэж боддог.
Мөн нөгөө талаас улс төр бол жоохон хүмүүсд танигдаад ирэхээрээ эсвэл мөнгөтэй болохоороо дуртай нь гэнэт өөр салбараас үсэрч ордог салбар биш санагддаг. Их цаг хугацаа, золиос шаарддаг.
Хэдэн улс төрч солигдсноор биш хөгжлийн урт хугацааны тогтвортой бодлого, эдийн засгийн бат суурь, нийтийн ухамсар дээшилснээр улс маань илүү хөгжинө гэж боддог” гэжээ.
