Олны танил, дуучин залуутай гэр бүл болсон биш хувийн амьдралын хамаг нууцаа сошиал орчинд дэлгээд авсан Х.Ананда гэх энэ бүсгүйг фэнүүд нь “Солонгон ааштын увидас” пэйж хуудсаар нь мэднэ.
Х.Ананда нэгэн арга хэмжээн дээр дуучин Т.Дэлгэрмөрөнтэй танилцсанаар шинэ амьдралдаа хөл тавьжээ.
Гэвч хэдхэн жилийн өмнө эхээсээ өнчирч хоцорсон Д.Зөөлөнсий охиноо дэргэдээ авсан Т.Дэлгэрмөрөн шинэхэн хойд ээжийг төдийлөн таатай орчинд байлгаагүй гэдэг. Хөл хүндтэй болсноосоо эхлэн нөхөртэйгээ таарамж муутай байх болсон “Солонгон аашт” амаржаад удалгүй гэрээсээ явсан түүхтэй.
Гэвч нялх охиноо санан бэтгэрч, эхнэрийнхээ хайр халамжийг үгүйлсэн Т.Дэлгэрмөрөн “Гэр бүл” реалити шоунд оролцож, үзэгч олны өмнө ам өчгөө өгснөөр урьдын амьдралаа эргүүлэн авсан юм.
Х.Ананда өдгөө таван сартай жирэмсэн бөгөөд ирэх арваннэгдүгээр сарын үед нярайлах ажээ.Тэрээр цахим хуудаснаа”Бид 3нь чамдаа маш их хайртай шүү.Аав гэх эрхэм алдарыг утгаар нь мэдрүүлж амьдруулж түшиг тулгуур хань ижил найз нөхөр үнэнч туслах баталгаатай хана хэрэм болж хүний орчлонд үлгэрлэн яваа чамдаа баярлалаа.
Үрийн заяа үнэрлэсэн тавиландаа би баярлаж
Үрсээсээ бусдыг хайрлахаа мартаж төөрөлдөж
Хүүхдээ гэх сэтгэлээр хамаг бүхнээ шийдэн
Хайрт чамайгаа халамжаар дутаавал
Ханиасаа хайр хүсээд хэлж байгаарай
Хань минь чи намайг хайрлаарай гээд
Ертөнцийн бүх сайхан аавууддаа та наргүй бол бид чинь хэнсэн билээдээ.
Хорвоог дүүргэж дэргэд минь л байгаарай хэмээсэн байна
