Монголын хараа булаам сайхан бүсгүйчүүдийн нэг бол топ модель Д.Пүрэвсүрэн. Үргэлжийн гоо үзэсгэлэнтэй байдаг тэрээр өөрийн цахим хуудаснаа гэдэстэй, харвинтай гэрэл зургаа дэлгэлээ.
Мөн төрөөд удаагүй байгаа бүсгүйчүүдэд дараах зөвлөмжийг бичжээ.
“Төрөөд удаагүй ээжүүдэд: Үр тогтсон мөчөөс эхлээд гармоны өөрчлөлт шууд явагдаж эхэлдэг. Бие 10 сарын турш ургаа тэжээн тэтгэж өөрт байгаа бүх шим тэжээлээ өгч, аарцаг ташаа төрөхдөө бэлдэж, биеийн эд эс бүрэн ирээдүйн хүүхдийн төлөө ажиллаж байдаг. Төрөлт явагдсаны дараа ээжийн бие организм дааврын огцом уналтад ордог нь бидний хэлдэгээр сэтгэл гутрал…үүнийг хүнд хөнгөнөөс шалтгаалаад бүх ээжүүд туулдаг. Дөнгөж гарсан нярай 2 сар хүртлээ маш их ажиллагаатай санаа зовоодог. Нярайн шарлалт, нярайн арьсны тууралт, гэдэсний дүүрэнг гэх мэт бусад асуудлууд…эдгээр нь 2-3 сар болсны дараа аяндаа гайгүй болдог. Ээжийн биед мөн адил асуудлууд тулгараг нь хөхөнд уураг ороход маш маш аймшигтай байдаг. Санаагаар болдог бол хүүхдээ дагаад унтмаар байвч нойр хүрдэггүй, гэрийн ажлаа амжуулахыг хүсдэг.
Эмэгтэйчүүдийн хамгийн их стресстдэг зүйл бол төрөөд шууд гэдэсгүй болно гэж боддог ч хэзээ ч тэгдэггүй. Туранхай, хэвийн, жингийн илүүдэлтэй ямар ч эхэд буцаад биеэ хэвийн байдалд оруулахад их цаг хугацаа хэрэгтэй. Ялангуяа давтан төрөгчдөд бүр их цаг хугацаа хэрэгтэй. Анхлан болон нас залуу төрөгчид эргээд хэвэндээ орох нь маш хурдан байдаг. Тиймээс миний өгөх зөвлөгөө бол, нялх биетэй ээжүүд хэт битгий бие галбиртаа зовинож, санаагаа өөрийгөө битгий зовоо. Маш зөлөн биед тухтай гэдэс давсагны даруулга зүүж хэвш. Шингэн зүйл өдөрт сайн уу. Нарийн боовны хэрэглээгээ багасга. Тураах дэглэм барих гэж бүү яар, нялх биед шим тэжээлтэй хоол чухал. Нялх хүүхэд гаднах орчинтойгоо дасан зохицоод ирэхээр ээж өөрөө тайвширч өөртөө зарцуулах цагтай болдог. Төрсний дараах витаминыг зайлшгүй уух хэрэгтэй. Миний туршлагаар төрөөд 2-3 жил болоход эргээд хэвэндээ орж эрч хүчтэй болдог. Тиймээс төрөлт хоорондын зай 3-4 жил гэдэг судалгаан дээр үндэслэсэн мэт санагддаг. Мөн хэн нэгэн модель, эсвэл ойрхон төрсөн ээжтэй өөрийгөө бүү харьцуулаарай. Хүн бүрийн бие физилоги, нас, төрөлтийн хэлбэр өөр байдаг шүү дээ.
Тиймээс өөрийгөө тайван байлгаж бяцхан үрээ эрүүл энх бойжуулж жаргалтай байгаарай”.
