Дуучин Ц.Энгүүн сургуулиа дүүргэжээ
Одоогоос хоёр жилийн өмнө 17-хон настай Ц.Энгүүн гэх охин “Монгол HD” телевизийн зохион байгуулсан The Voice of Mongolia шоуны нэгдүгээр улиралд оролцон ялагч болж олонд танигдаж байлаа.
Хөгжим бүжгийн коллежийн хийлийн ангийг төгсөх байсан ч шоуны улмаас сургуулиа түр орхиж өөрийнхөө хэмжээнд нэлээнд том золиос гаргаж байсан юм. Хийлээс гадна төгөлдөр хуурийг чамгүй сайхан тоглодог тэрээр ямартаа ч сургуулиа дүүргэж, дипломоо гардан авчээ.
Ц.Энгүүний хувьд The Voice of Mongolia шоуны ялагч болсноор ‘Universal Music’ компанийн Монгол дахь албан ёсны төлөөлөгч ‘Монгол Контент’ ХХК-тай 100 сая төгрөгийн хамтран ажиллах гэрээ байгуулж, Nissan Qashqai загварын автомашины эзэн болж байв.
