Миний л бодол.
Хорвоогийн хамгийн хүнд зүйлсээс дааж чадахгүй бүдрэх нь олны хэл ам, доромжлол гэж би боддог.
Номинтой ижил байдалд орж үзсэн нэг найзынхаа жишээг дурьдая л даа. Манай найз уг нь их хүмүүжил сайтай даруухан охин байсан. Гэхдээ дурлал хүний оюун бодол хийгээд, зүрх сэтгэл, хүн чанарыг юу ч үгүй сийчин хаяж аливаа зүйлийг бодитойгоор харах мэлмийг сохлон хаядаг нь гунигтай. За ингээд найзынхаа түүхийг хуваалцая. Арван жилийн дотны минь найз л даа. Арван жилээ төгсөөд өдөр бүр уулзалдах нь ховордож, хичээлийнхээ зай завсраар үе үе уулздаг байсан найзтайгаа. Нэг өдөр уулзахад жигтэйхэн баяр хөөртэйгөөр хайртай хүнтэй болсон.
Одоо харьцаж байгаа гээд л түүнийхээ талаар нэг нэгэнгүй тоочиж өгсөн. Гэхдээ манай найз эхнэртэй гэдгийг нь анхнаасаа мэдээгүй юм билээ. Хэсэг хугацаа өнгөрсөн нэг шөнө над руу залгаад учир зүггүй уйлсан. Найз залуугаа эхнэртэй гэдгийг мэдсэн гэсэн. Яахаа мэдэхгүй байна гэсэн, уйлаад л уйлаад л байсан…. Маргааш нь бид уулзсан. Нүдээ хавдтал уйлчихсан, тайвширч чадаагүй л байсан. Учир нь түүндээ хязгааргүй хайртай….
Надаас цаашид яах уу? гэж асуусан би ч сал гэж зөвлөсөн, тайвшруулах гэж хичээсэн. Энэ явдлаас хойш найзтайгаа ойр ойрхон уулзаж сэтгэл санааг нь дэмжсэн. Гэхдээ цаад залуу нь нэг л салж өгөхгүй зууралдсаар л байсан. Манай найз ч мартаж чадахгүй нь гэж өдөр бүр шаналдаг болсон. Нэг өдөр над руу эцсийн удаа л уулзая гэж байна. Би сүүлийн удаа түүнийгээ хараад л мартах болно гэж яриад болзсон газар луугаа яваад өгсөн. Гэтэл маргааш нь найзыг минь юу хүлээж байсан гэж санана. Хамт байхад нь эхнэр нь хэдэн найзын хамт хүрээд ирчихсэн. Нүүр нүдгүй зодож тамлаад, бичлэг зураг хөргийг нь фб, social- д тавьчихсан байв. Манай найз өөрөө ч их хөөрхөн, арван жил болон их сургуульдаа нэр хүндтэй охин байсан болохоор нэр хүнд нь шалаар нэг, шалны алчуур шиг болчихсон байсан.Сургуульдаа очихоор хүн бүхэн гар чичилж дайрч, элдэв нэгээр хэлдэг байв. Хэд хонгийн дараа би найзыгаа амиа хорлосныг мэдсэн, маш аймшигтай, одоо ч зүрх сэтгэл шимширдэг. Энэ түүхийг ингэж сөхөж байгаа учир гэвэл зүгээр л эцэст нь дууссан төгсгөлөөс та бүхнийг сургамж аваасай гэж хүссэн юм.
Мэдээж би эхнэртэй, найз охинтой хүнтэйучир ургуулахыг зөвтгөхгүй. Гэхдээ алддаггүй хүн, алдарггүй зүрх сэтгэл гэж цөөн. Нэгэнт л болоод өнгөрсөн зүйл. Хэн хэн нь гэмшиж, хэн хэн нь шархалж байгаа. Нэг хүн хэлээд, доромжилчихсон алдаа руу нийтээрээ дайрч, нулимах нь эцэстээ хүнийг үхэл рүү л түлхэнэ.
Зүгээр л бие биедээ хайртай байя л даа.
Фэйсфүүб
