Монголын улаан загалмай нийгэмлэг, “Монгол HD” телевизтэй хамтран “Монголчууд гэртээ” хандивын теле концертыг/2020.11.26/ үзэгчдэд хүргэсэн. “Тэвч, итгэ, хүлээ” уриатайгаар бүтэн дөрвөн цаг үргэлжилсэн теле концертод 50 гаруй уран бүтээлч нэгдэж, ая дуугаа өргөсөн. Уг теле тоглолтын хугацаанд нийт 333 гаруй сая төгрөгийг үзэгчид хандивлаж, 5500 өрхөд хүнсний багц хандивлахаар болжээ.
Нэг хүнсний багц нь 60 мянган төгрөгийн үнэтэй. Үүнээс гадна мөнгөн бусаар 35 сая төгрөгийн хандив цугларсан байна.
Өнөөдөр Монгол телевизийн хамт олноос
“Монгол улс анх удаа бүх нийтийн бэлэн байдал зарлаж Ковид-19 цар тахалтай тэмцэж буй энэ амаргүй үед өөрийн авьяас билгээ бусдын сайн сайхны төлөө зориулж МонголчуудГэртээ тоглолтын нэг чухал хэсэг болсон эрхэм таньд Монгол телевизийн хамт олны зүгээс чин сэтгэлийн талархал илэрхийлж байгааг хүлээн авна уу. Та бидний хамтын зүтгэлээр бүтсэн энэхүү сайн үйлсийн теле-концерт нь нийтдээ 334 сая төгрөгийн хандив босгож 5572ш хүнсний багцыг нэн хэрэгцээтэй өрхүүдэд Монголын Улаан Загалмайн Нийгэмлэгээр дамжин хүргэх боломж бүрдсэнийг дуулгахад таатай байна . Бусдын төлөө гаргасан таны сайхан сэтгэл тань гэр бүлд түм бум үржин ирнэ гэдэгт итгэлтэй байна. Таныг урлагийн Янжинлхам бурхан үргэлж ивээх болтугай.” гэсэн мэндчилгээтэй хүнс урлаг соёлийнхонд хүрсэн байна.
