“Урлаг монголд хөгжихийн төлөө” нэгдлийн бас нэгэн өвөрмөц өнгө төрхтэй реппэр бол PACRAP юм. Ингээд түүний тухай баримтуудыг сонирхоё.
1. PACRAP нь түүний тайзны нэр бөгөөд түүнийг Х.Ундрах гэдэг.
2. 2PAC 1996 оны 9-р сарын 7-ны өдөр Лас Вегаст буудуулсан гэдэг. Яг тэр өдөр Х.Ундрах төрсөн. Тиймээс Монгол дахь 2PAC-ийн хамаатан гэгддэг. Энэ бол зүгээр нэг тохиолдол биш.
3. Өөртөө PACRAP гэдэг нэр өгөхдөө 2PAC-ын PAC-ыг авч RAP гэдэг үгтэй хоршуулсан.
4. PACRAP сайн аав, сайн хань. Тэрээр хөөрхөн охинтой хип хоп аав юм.
5. 2016 онд “Unbox” студид “Deadpool” нэртэй дуу гаргаж байсан. Түүнээс хойш эрчимтэй уран бүтээлээ хийж байгаа. Одоо түүний ихэнх дууны beat-г “976 BeatZ” хийдэг.
6. Одоогоор 30 гаруй дуу, арваад видео клип,аудио хэлбэрээр гаргасан нэг цомогтой.
7. Түүнийг олонд таниулсан дуу нь “Give me justice”. Тэр энэ дуугаараа монголын хип хопын гал тогоонд дутагдаж байсан old school урсгалыг эргэн авчирсан. Хүмүүс уг дууг түүний анхны дуу хэмээн андуурдаг.
8. PACRAP “Give me justice” дууны клипэнд өмссөн хоёр савхиа дуудлага худалдаанд оруулж “Хөөрхөн зүрхтэй хамт” аянд хандив өргөсөн.
9. PACRAP “Рашаантын 18” дуугаараа залуусыг зорьж, хүсэж байгаа зүйлийнхээ төлөө шантралгүй хөдөлмөрлөөсэй гэж хүссэн ба “Хүн ер нь тарган, туранхай өндөр, нам чухал биш гэдгийг та нар ухаарч ойлгох хэрэгтэй. Хамгийн гол нь хүний сэтгэл чамд, итгэх итгэл чухал” гэдэг санааг илэрхийлэхийг хүссэн.
10. PACRAP бүхий л уран бүтээлээрээ аливаа нэг эмзэг сэдвийг хөндөхийг хичээдэг. Тод жишээ нь “So many tears”. Тэрээр байгууллагуудтай хамтарч бодит ажил хэрэг болгохоор зорьж байгаа.
11. 2020.06.04-нд уушгин тус газраа хутгалуулж маш хүндээр гэмтсэн. Хэргийн эзэн хэн болох нь одоо ч сонин хэвээр. Гэвч тэр эрүүл саруул байгаа нь хамгаас чухал юм.
12. PACRAP Р.Чойномын шүлгүүдийг их шимтэн уншдаг. 2PAC болон Р.Чойномын зураг өрөөний нь хананд нь өлгөөстэй байдаг гэнэ.
13. 2020 онд тэрээр анхны цомгийн ажилдаа орсон. 2021 онд фэнүүддээ анхны биет цомог, анхны тоглолтын товоо дуулгана гэдэгт итгэлтэй байна.
PACRAP “нийгэмд байгаа бүх асдуулыг хөндөхийг хичээнэ. Нэг ч асуудал үлдээхгүй.” хэмээсэн байдаг. Тэр бол Монгол дахь 2PAC-ийн хамаатан, эрч хүчтэй, залуу реппер юм.
