“Sweetymotion” хамтлагийн дуучин Ц.Сарнай өөрийн цахим хуудаснаа жимс ногоо болон хүнсээ ариутгах туршлагаа хуваалцжээ.
Түүний хувьд хөл хориотой өдрүүдээр гэр бүлийнхээ дархлааг дэмжиж амин дэмтэй хүнсний ногоонуудыг хоол хүнсэндээ нэмэлтээр ашиглах болсон гэнэ.
Энэ тухайгаа “Манайх жимс ногоо авахаараа угаана гэж том ажил болдог шүү. Жимс ногоо угаадаг шингэнээсээ усан дотор хийж байгаад жимснээсээ хэсэглэж хийгээд 5,6 минут байлгаад нэг нэгээр нь сайтар үрж угаадаг. Жимс угаагч шингэн байхгүй тохиолдолд усандаа жаахан уксус хийж болно. Мөн дэлгүүрээс өндөг аваад сайн угааж байж хөргөгчиндөө хийх хэрэгтэй юм байнлээ шүү.
Өндөг гаднаа их бохир, бактер ихтэй байдаг. Угаахдаа аяга таваг угаадаг савангаасаа том савтай усанд хийж байгаад л өндөгнүүдээ хийж хэсэг байлгаад сайтар угаачихдаг. Дороо хатчихдаг юм. Тэгээд л хүүхдүүд хөргөгчөө ухаад шууд жимсээ аваад өндгөө шараад идэхэд нь амар байдгийм” гэжээ.
