“Сүнс”-ийн Лхагваа:
Ковид 19 бол ханиад биш аймшигт өвчин юм байна. Өөрт тохиолдсон явдалаасаа сийрүүлэв. /зураг болгон тайлбартай/
Би ковид тусаад гэртээ 9 хоног өндөр халуурч ханиалгатай амьсгаа ойртож хахаж цацаж муудаад эмнэлэгт хүргэгдээд 11 хоног эрчимт эмчилгээ хийлгэж цасан шуургатай өдөр хэвтэж цасан бороотой өдөр буюу өнөөдөр эмнэлгээс гарлаа. Өвчний зовиур: барьцгүй өвддөг өвчин аж эхэндээ хоолойн өвчин шиг хоолой хорсож нус гарч гэмгүй эхэлж улмаар өндөр халуурч амт үнэр мэдрэхгүй болж нэг өдөр нуруу бөөр нэг өдөр толгой тархи нэг өдөр булчин гээд өвдөөгүй юмгүй болдог юм байна. Эмчилгээ: хүн болгоных өөр өөр хүнд хүн эхэндээ дусал аналгин антибиотек цифотаксин тариулж амьсгалын 3 янзын аппаратанд орж, норов7 ман4 тан, вирусны эсрэг эм арбидол, өндөр тунтай витамин Ц Д ууж, өдөржингөө зузаан хөнжил нэвт хөлөрч байв. Мөн уушигандаа нэвчилттэй байсан тул сэв гэм үлдээхгүйн тулд доошоо харж хэвтэж баймаар юм билээ. Ер нь биеэ муутгаж дордож байхаар эмнэлэгт хандаж хэвтэх нь чухал бөгөөд зөв зам юм.
Би ч ковидоор өвдөөгүй тусаагүй байх үедээ -“2019 онд тусаад эдгэсэн байх” хэмээн итгэж ярьж өвчин биш ханиад юм билээ гэж их додьгор бодолтой мунхаглаж явсанаа бас энд нуулгүй хэлчье!
Бид буруу бодож байна шүү!!! Таминэээ.
Ковид бол вирусны гаралтай тахал.
300 хүний ортой Нисэхийн шинэ эх нярайн төвд 800 ор зассанаар эмч сувилагч хамгаалалт удирдлага гээд олон хүмүүс 21 хоногоор ээлжлэн дунд нь 7 хоног буудалд тусгаарлагдаж үхлээс амьд авч үлдэх амьдралын төлөөх гардан тулаанд дайтаж байна.
Залуу хүн нялх нярай гэлтгүй дордож хэцүү байгааг биеэрээ мэдэрч хэд хонолоо. Хүмүүс минь гэртээ хэд хоног хорионд хэн бүхний ажил бизнест мэдээж хэцүү байгаа байх, тэр яах вэ?! Бид хамгийн гол нь хайртай дотны хүнээ энэ муухай өвчнөөс болж алдаж илүү олон хүн ингэж өвдөж шаналж доордож уушигандаа шархтай зовиуртай болгохгүйн тулд хүн бүр ухамсарлаж хичээж гэртээ л байхыг
Та бүхэндээ уриалж байна.
Энэ муухай өвчнөөр эрүүл Монгол хүн та бүү өвдөөсэй
Нийт эмчилгээ хариуцаж эмчилгээ хийж буй эмч сувилагч асрагч дадлагжигч хамгаалагч эмнэлгийн ажилтан алба хаагч нартаа болон гэр бүл ах дүүс найз нөхөд хамт олондоо Баярлалаа.
Жич: Өвдөж эхэлж сэжигтэй санагдснаас хойш гэртээ байж олон уулзалтуудаа цуцалж олон хүмүүстэй уулзаагүйдээ, уулзсан цөөн хэдэн хүмүүс ихэнх нь лавлахад тусаагүй байсанд маш их баяртай байна.
