Ягаан даашинзаар гоёсон, бяцхан охин “Ирээдүйн одод” багачуудын урлагийн наадмыг зорин, ээжийнхээ гараас хөтлөн алхана.
Ингэж урлагт дурласан охин Хөгжим бүжгийн коллежийн төгөлдөр хуурын ангид суралцаж, цаашлаад СУИС-д жүжигчин болохоор элсэн оржээ. Ийн суралцах явцдаа ангийнхаа охидтой бүжгээр хичээллэж эхэлсэн нь дуучин болох замынх нь эхлэл болжээ.Одоо түүнийг “Гурван охин” хамтлагийн дуучин Г.Анхмаа гэдгээр нь хүмүүс хэдийнэ таньдаг болсон билээ.
Нийслэл хотын унаган охин тэрээр 1986 оны 4-р сарын 28-нд төржээ. Хоёр дахь амьдралаа монголын нэр хүндтэй банкир залуутай эхлүүлсэн тэрээр өчигдөр төрсөн өдрөө гэр бүл найзууд дундаа тэмдэглэсэн байна.
Тэрээр 2001 онд хөгжим бүжгийн коллежийг төгөлдөр хуурын мэргэжлээр, 2007 онд СУИС-н кино драмын ангийг тус, тус төгссөн. 2005 онд 3 охин хамтлагт нэгдэн 2019 оноос бие даасан уран бүтээлээ хийж эхэлжээ.
Анхмаагийн ээж Хөгжим бүжгийн коллежид багшилдаг байсан бөгөөд багаасаа урлагтаа ойр байсан нь 3 охин хамтлагт ороход нь нөлөөлжээ. Хамтлагийн бусад гишүүд болох Ану, Соло нар Анхмаагийн дээд ангийнхан нь байсан. Тэд 2005 онд 3 охин хамтлагт нэгдсэнээс хойш бие даасан гурван тоглолт, 30 гаруй видео клип, долоон цомог гаргаад байна.
