Зохиолын дууны ертөнцөд намуухан хэрнээ сонсголонтой хоолойгоороо танигдсан дуучин бол П.Идэржавхлан
Өвөрхангай аймгийн Төгрөг сумын харъяат тэрээр оюутан байхдаа гэр бүл зохиож, өдгөө 3 охины аав болоод буй. Хоёр хоногийн өмнө бага охиныхоо сэвлэг даахийг үргээсэн тэрээр хоёр том охиноороо гангарчээ.
Түүний том охин аав, ээжийнхээ оюутан байх үед төрсөн бөгөөд өдгөө охидоо “гэр дүүрэн цэцэгс” хэмээн өхөөрдөн дууддаг гэнэ лээ.
Сонирхуулахад, дуучин П.Идэржавхлан болон түүний гэргий жүжигчин З.Онон нар сошиалд шинэ контент эхлүүлж буй. Тэд гэр бүлийн найз болох “Нэгэн зүгт” хамтлагийн дуучин Заяа болон түүний гэргий нэвтрүүлэгч Д.Одзаяа нартай хамтарч контентоор мөнгө олох бизнест ханцуй шамлан ороод байгаа гэнэ лээ.
Хоёр гэр бүлийн дөрвөн уран бүтээлчийн бүтээл чанартай, үзүүштэй, сонирхолтой байх нь дамжиггүй.
