“Аримун” продакшн гэхээсээ илүү хоёр Ганаа гэдгээр олонд танигдсан МУГЖ Д.Ганцэцэг, СТА А.Ганчимэг нар хоорондоо насны зөрүүтэй ч уран бүтээлийн шилдэг хамтрагч, урт амьдралын сайн найзууд.
УДЭТ-аас эгч дүүс, нөхөрлөлийн гараагаа эхлүүлсэн тэд хоёулаа авъяаслаг, дотортой жүжигчид. Үүнийгээ ч “Халуун зүрх” уран сайхны киногоороо үзэгчдэд баталж амжсан. Хоёр жилийн хугацаанд амар жимэр амьдарсан тэд Д.Ганцэцэгийнхээ гавьяатын цолыг мялааж дахин шинэ уран бүтээл эхлүүлэхээр болж буй бололтой. Өөрсдийн өнгө төрхийг харуулсан гоёхон постерууд цахим хуудаснаа мэр сэр харагдах болжээ.
Ташрамд дуулгахад, тэднийг УДЭТ-аас гарахад нөлөөлсөн “Хувьсал”-ийн эзэгтэй Урнаа гавьяаттай тэд найрсаг эгч дүүс хэвээрээ гэсэн шүү.
