Эр хүнийг сайхан эхнэр, сайн морь чимдэг гэдэг. Гэхдээ эхнэр, найз бүсгүй солиод байна гэсэн үг биш.
Хайр сэтгэлийн асуудал санаснаар болох биш ч хамгийн олон найз бүсгүй, эхнэр сольсон монголын олны танил эрчүүдийг уншигч танаа сонирхуулж байна. Гэхдээ алтны магнат Мянганбаяр, “баян” Базар нарыг дурьдсангүй.
Загвар өмсөгч Амгаланбаатар
“Содура” кинонд тоглож олны хайр хүндэтгэлийг хүлээх болсон загвар өмсөгч О.Амгаланбаатар хэдийнэ 30 насны босго алхсан боловч тогтсон амьдралгүй нэгэн. Тэрээр анх олонд танигдаж байхдаа загвар өмсөгч Энэрэлтэй үерхэж байсан гэдэг. Гэвч цусан төрлийн холбоотой гэдгээ мэдэлцэж харилцаагаа төгсгөж байсан түүхтэй. Үүний дараа бүжигчин Бямбаа, загвар өмсөгч Халиун нартай холбоотой байсан гэдэг.
Бизнесмэн Анархүү
Ньюс группын удирдах зөвлөлд байдаг “Монгол Беккем” Г.Анархүүг танихгүй хүн ховор. Өвөрмөц төрх, зан харилцаагаараа хүүхнүүдийг хуйлруулдаг гэдэг. Түүний албан ёсны найз бүсгүйгээр охиных нь ээж Тэмүүлэн, хүүгийнх нь ээж Ю.Балжидмаа нар тодорч байсан ч тэднээс дутахааргүй нэр холбогдож байсан бүсгүй цөөнгүй.
Жүжигчин Ялалт
Кинонд дуу оруулахаас гадна сайн жүжигчин гэгддэг жүжигчин Ялалт өдгөө гуравдахь албан ёсны амьдралаа зохиосон. Түүний анхны гэргий Маск хамтлагийн Жавхлан бол, удаах нь Жулъяа хэмээх бүсгүй. Харин өдгөө өөрөөсөө насаар нэлээд дүү сэтгүүлч бүсгүйтэй амьдарч үр хүүхэдтэй болсон. Түүнтэй нэр холбогдож явсан бүсгүйгүй цөөнгүй.
Найруулагч Б.Баатар
Түүнийг орхигдуулж болохгүй. Учир нь удаан жил үерхэж дассан Ч.Ундралыг одоогийн УИХ-ын гишүүн П.Анужингаар сольж явсан түүх түүнд бий. Гэвч эцсийн сонголт нь “Торгоны зам”-ын эзний охинтой хамтран амьдарч эхэлсэн гэдэг. Түүний уулзаж учирч явсан бүсгүйчүүд цөөнгүй.
Найруулагч Б.Тамир
Анхны амьдралаа жүжигчин Золоотой эхлүүлж, хөөрхөн охинтой болсон тэрээр охиноо гурван нас хүрэх үетэй зэрэгцэн жүжигчин Мөнхсоёлтой амрагласан гэдэг. Улмаар эхнэрээсээ салсан ч удалгүй өөр бүсгүйчүүдтэй нэр холбогдох болсон. Тэдний дунд УИХ-ын гишүүн Номтойбаярыг одоогийн гэргий ч явсан гэдэг.
УИХ-ын гишүүн Н.Номтойбаяр
Мэдээж түүнийг орхигдуулж боломгүй. Том хүүгийнхээ ээжтэй 16 насандаа учирч явсан түүний албан ёсын эхнэрийн тоо хэдийнэ 4 хүрсэн. Уулзаж учирч явсан нь Киви хамтлагийн дуучин Агиймаагаас эхлээд загварын хэд хэдэн бүсгүйчүүд. Мэдэгдсэн нь энэ боловч мэдэгдээгүй нь тоймгүй.
Аса аварга Дагвадорж
Анхны эхнэртэйгээ тэрээр 23 насандаа Монгол-Японыг донсолгосон сүр дуулиантай хуримлаж, анхны хайртайгаа суусан гэдгээ зарлаж байв. Гэвч амьдраад хэдхэн жилийн дараагаас эхнэрээ зоддог гэх чимээ чих дэлслэх болсон. Тэдний хамтын амьдрал 5 жилээс хэтрээгүй. Харин тэрээр гоонь эрийн амьдралаар 10аад жил амьдарсны эцэст нэгэн загвар өмсөгч бүсгүйтэй хамт амьдарч эхэлсэн. Түүний гоонь эрийн амьдралын он жилүүдэд хэдэн арван бүсгүйчүүд нэр холбогдож байВ.
1 сэтгэгдэл
Түүнийг орхигдуулж болохгүй. chixshig ahhaaha