Одоогоос гурван жилийн өмнө “Боловсрол” телевизээс зохион байгуулсан “Оддын академи” шоунаас “THE WASABIES” хамтлаг шинээр мэндэлсэн. Тэд монголын рок, поп урлагт шинээр од болон гялалзахаар “Оддын академи”-ийн байранд 9 долоо хоногийн турш суралцаж, хамтлагт үлдэхийн тулд өгөгдсөн даалгаврыг амжилттай биелүүлж авъяас чадвараараа өрсөлдөж тунан үлдэж хамтлаг болж байв.
Тэгвэл тус хамтлагийнхан сар орчмын өмнө анхны үрээ өлгийдсөн Аминхүслэн, хэдхэн сарын дараа ээж болохоор зэхэж буй Энхгэрэл нарыгаа их амьдралд үджээ. Ингэхдээ өөрсдийн албан ёсны хуудсаараа дамжуулан “3 жилийн турш The wasabies хамтлагийн нэгихэсэг байсан хамтлагийн гишүүн Энхгэрэл, Аминхүслэн нартаа цаашдын амьдралд нь бүхий сайн сайхныг хүсье. Удахгүй шинэ бүрэлдэхүүн, шинэ уран бүтээлээр уулзацгаая” гэжээ.
Сонирхуулахад, WASABI гэдэг нь японы изо хойгт ургадаг навчит ургамал бөгөөд тун өвөрмөц амттай хоол амтлахад хэрэглэдэг ер нь их гашуун амтлагч байдаг.
