Өнгөрсөн хавар МУГЖ цолыг экс Ерөнхийлөгч Х.Баттулгаас сүр дуулиантай хүртсэн УДЭТ-ийн жүжигчин С.Болд-Эрдэнэ сахал үсээ авч өнгө зассан гэнэ шүү. Тэрээр “Хаадын хаан” жүжгийн гол дүрд шалгаруулахын тулд ийнхүү үс, сахалаа ургуулж байжээ.
Харин жүжгийн зохиолч болон найруулагч нь шинэхэн гавъяатыг биш жүжигчин Амгаланбаатарыг Чингис хааны дүрд сонгосон байна.
Жүжигчин С.Болд-Эрдэнийн хувьд энэ жил 45 настай. 1995-1999 онд СУИС-д жүжигчний мэргэжлээр суралцаж төгссөн. 2013 онд өөрийнхөө аав буюу доктор, профессор С.Сугарын удирдлагад магистрын зэрэг хамгаалсан. 2000 оноос УДЭТ-ын жүжигчнээр ажиллаж байгаад 2019 оноос одоог хүртэл Уран бүтээлийн хэлтсийн даргаар ажиллаж байгаа юм.
Монголын драмын урлаг унал¬тад байсан тэр цагт Г.Эрдэнэбилэг, С.Болд-Эрдэнэ, Г.Амгаланбаатар, Н.Наранбаатар тэргүүтэй уран бүтээлчид орж ирснээр хэлтэй, хөлтэй болсон гэж үздэг. Эдгээр уран бүтээлчид хамтран “Драмын дөрөв” хэмээх хамтлаг байгуулан дуулж олны талархлыг хүлээж байлаа.
