Монголын тайз дэлгэцийн урлагийн сайхан бүсгүйчүүдийн нэг жүжигчин О.Энхтуулын том охиныг реппер MRS M гэдгийг уншигчид андахгүй.
Өдгөө УДЭТ-ийн 90 жилийн ойн арга хэмжээнд зориулж эх орондоо саатаад буй жүжигчин бүсгүй саяхан том охиноо амаржуулж, эмээ болжээ. Түүний охин MRS M монголдоо цөөхөн эмэгтэй репперүүдийг өнгөлж яваа бүсгүй. Түүний жинхэнэ нэрийг А.Тамир гэдэг.
Ээж дүү, хойт аав нь Германд суурьшихад охин эх нутагтаа бие дааж амьдрахаар сэтгэл шулуудсан. О.Энхтуулын анхны нөхөр Т.Ариунболд МҮХАҮТ-ын С.Дэмбэрэлийн үеэл “хамар” Т. Ганболдын төрсөн ах юм. А.Тамир эх орондоо ирсэн даруйдаа төрсөн аавынхаа ээж буюу эмээ дээрээ амьдардаг байсан.
Аль аль нь өндөр карьертай, бэлтэй аав, ээжийн охин А.Тамир ирээдүйд “Алтан Дорнод Монгол”-оос аавын өвийг хүртэх нь дамжиггүй.
Хүмүүнлэгийн ухааны их сургуульд Герман хэл судлахын хажуугаар бөмбөр гитар сонирхлоороо тоглож сурсан, шүлэг бичиж ая зохиодог А.Тамирт өөр бас нэг авьяас бий. Оюутнууд цагийн ажил хайн мунгинаж байхад А.Тамир баар, хүлээн авалтанд уригдан дуулж хөөрхөн орлоготой амьдардаг байсан гэнэ лээ.
Реппер бүсгүйн хүүхдийн эцэг бол залуу реппэр Munk Tugrik. Тэд үерхээд багагүй хугацааг үдэж байгаа юм. Түүний найз залуугийн хувьд мөн л АНУ-д багагүй хугацааг өнгөрүүлсэн нэгэн.
