Залуусыг уран бүтээлээрээ байлдан дагуулдаг “алтан хамтрагч” хэмээгдэг дуучин С.Зоригт, А.Хишигдалай нар. Тэгвэл өнөөдөр дуучин С.Зоригтын төрсөн өдөр тохиож байна. 
Тэрбээр залуу уран бүтээлч хэдий ч, эгэл даруухан зантай, хөдөлмөрч нэгэн гэдгийг ойр дотныхон нь хэлдэг.
Дуучин С.Зоригт дуулж, жүжиглэхээс гадна газар тариалан эрхэлдэг. Өдгөө 32 нас хүрч буй тэрээр өнгөрсөн зун анхны хүүхдээ өлгийдсөн. Дархан-Уул аймагт төрж, тэнд өсөж өндийсөн тэрбээр 2007 онд Улаанбаатар хотод оюутан болж ирсэн гэдэг.
Ташрамд дуулгахад, түүний өвөө урлагийн хүн. Насаараа цэргийн албанд хүчин зүтгэсэн. Тэгэхдээ цэргийн дуу бүжгийн ансамблейд дуулдаг хүн байжээ. Бага насныхаа тухай тэрбээр “Хүүхэд насаа хөдөө мал дээр өнгөрөөсөн хүн. Бусдын адил хурдан морь унадаг хүүхэд байлаа. Эр хүн гэхээрээ л бүгд адуу малтай ноцолдож өссөн болох гэдэг. Харин миний хувьд тийм биш шүү. Би хөдөөний амьдралыг дэндүү сайн мэднэ. Жинхэнэ эмнэг сургаж, хурдан морь унаж өссөн. Бас маш хурдан хотожсон” хэмээн ярьсан удаатай
