“Хонгор чамдаа”, “Дурлан дурлан хайрламаар”, “Санах тусмаа дуулаарай” зэрэг түмний дуулах дуртай олон уран бүтээлийн эзэн тэрбээр өнгөрсөн жилийн өдийд “Ододтой бүжиглэе” шоунд оролцон, монгол түмний хайрыг татсан юм.
Улмаар түүнийг Соёлын яамны сайдын тушаалаар Төв аймгийн театрын даргаар томилсон. Гэвч мань хүний зэс нь цуйхуйж тус театрын тайзнаа уран бүтээлийнхээ клипийг хийх гэсэн хүмүүсийг хүлээж авахгүй, тайзаа ашиглуулахгүй бухимдлыг нь төрүүлэх болжээ.
Тэгвэл нэгэн залуу дуучин хувийн цахим хуудаснаа “Сайхан өглөөний мэндээ найзуудаа. Амралтын өдрөөр нь бухимдлаа бичиж байгааг минь уучилна биз дээ. Би уг нь сошиалд сайн сайхан бүхнийг бичдэг. Энэ удаад бичихээс өөр арга алга. Бусад хүмүүс ийм битгий байгаасай гэдэг үүднээс бичлээ. Урлаг гэх их айлд 30 гаран жил болохдоо ард түмний хөрөнгө, уран бүтээлчдийн тайзыг ашиглах хэрэглэх үедээ чөлөөтэй байна гэж бодсон юм. Тэгсээр ч ирсэн. Харин Намсрайноров гэх энэ залуу хараахан тийм биш ажээ. Уг хүн нь өөрөө ард түмний хүндэтгэл хүлээсэн дуучин бус уу. Гэтэл тайзаа өгсөнгүй 3 цаг гуйлгалаа. Шөнийн 9-12 хүртэл. Би нь та бүхнийхээ сонсох дуртай Хавар хайр хоёр дууныхаа клипийг 28 жилийн дараа шинэчлэн дуучин Солонготой хамтран дуулж байгаа юм. Эргэдэг тайз хэрэгтэй болоод Төв аймгийн тайзыг ярьчлаа гэж дүү нар хэлээд ажлын групп, жижиг хэрэглэл гээд л бүх л зүйлээ авахы нь аваад, түрээслэхий нь түрээслээд очлоо. Цаг хугацаа, хүн хөлс гээд аагинд багтсандаа биш, аргаа барсандаа ч биш бүтээлээ л гоё болгох гэж тэр. Хэлэх үг ч олдсонгүй. Албан тушаал мөнх биш ээ дүү минь Ард түмний хөрөнгийг бүү харамла Азаар дарга болсон ч Аюул нэг өдөр нөмөрнө шүү гээд хэлчихье. Дараа дараагийн уран бүтээлчиддээ битгий ингэж хандаарай даа. За юм нэгээр дуусах биш танд амжилт хүсье дээ” гэжээ.
