Бүжигчин Бямбаа анх “Зэрлэг цэцэгсийн хүлэмж” кинонд тоглож кино урлагт хөл тавьж байсан нэгэн. 
Түүнээс хойш бүжигчин болон жүжигчний карьерийг тун сайн хослуулж яваа тэрээр гурван жилийн өмнө хоёр дахь амьдралаа зохиож, дахин нэг бяцхан охинтой болсон.
Бүжигчин бүсгүй анхны амьдралаасаа нэг охинтой. Түүний том охин Б.Энгүүн өнгөрсөн амралтын өдөр 16 нас хүрсэн бөгөөд бүжигчин бүсгүй төрсөн өдрийг нь нижгэр хийж өгчээ.
“Их Засаг” их сургуулийн лицейн 10-р ангид суралцдаг Б.Энгүүн охины хувьд ээжээсээ дутахгүй авьяаслаг нэгэн. Тэрбээр сургуулийнхаа радиод хөтлөгч хийхийн хажуугаар үнэртэй усны бизнес эрхэлдэг.
Б.Энгүүн охин ээжийнхээ тухай нэгэн хэвлэлд ярихдаа “Би ээждээ маш их баярладаг. Яагаад гэхээр ээж минь намайг энэ хорвоо дээр төрүүлж өгсөн, хэнээс ч дутахгүй өсгөсөн. Би ээжийнхээ мундаг бүжигчин, жүжигчин гэдгээр нь маш их бахархдаг.
Яагаад гэхээр ангидаа очихоор танай ээж чинь тийм юман дээр гарсан, ийм юман дээр гарсан гээд тэгэнгүүт миний ээж маш мундаг хүн гээд би ээжээрээ маш их бахархдаг. Би алтан гартай эмч болчхоод ээжийнхээ ачийг хариулна гэж боддог. Би шүлэг зохиох дуртай. Сүүлийн үед ээждээ маш их шүлэг зохиож өгч байгаа. Ээжээ би танаараа маш их бахархдаг, тандаа маш их хайртай.
Та бол миний нар, сар, од. Би ээжийгээ маш их хайрладаг. Гомдоож байсан бол уучлаарай ээжээ” хэмээн нулимс дуслуулан сэтгэлийнхээ үгийг хэлжээ.
