6 минутын дотор Азиас Европт, Европоос Азид очих боломжийг Дарданеллийн хоолой дээгүүр тавьсан дүүжин гүүр олгож байна.
Турк улсын Ерөнхийлөгч Эржип Таип Эрдоган баасан гарагт Туркийн Дарданеллийн хоолойг дайрсан томоохон дүүжин гүүрийг нээлээ. Ерөнхийлөгч Эрдоган болон түүний тэргүүлсэн нам 2002 онд Засгийн эрхэнд гарнаасаа хойш томоохон мега төслүүдийг хэрэгжүүлж эхэлсэн нь тэдний улс төрийн байр суурийг бэхжүүлэхэд том түлхэц болж байгаа юм.
Энэхүү дүүжин гүүр Туркээс Европ, Азийн эргийг холбосон 4 дэхь гүүр болж байна. Гүүрээр зорчих суудлын тээврийн хэрэгслийн үнэ 200 лира буюу 13.50 ам.доллар болно гэжээ. Дарданеллийн хоолойн гүүрийг барих төслийн ажлыг 2017 оны гуравдугаар сард эхлүүлсэн. Барилгын ажилд 5000 гаруй ажилчин оролцсон.
Гүүрийн цамхагууд нь 318 метр (347.8 ярд) өндөр бөгөөд гүүрний нийт урт нь 4.6 км юм.
Өнөөг хүртэл Анатоли болон Галлиполи хойгийн хооронд зорчиж буй тээврийн хэрэгсэл Дарданеллийн хоолойг гаталж, нэг цагийн гатлага онгоцоор дамжин өнгөрөх ёстой байсан бөгөөд хүлээлтийн хугацаа нь таван цаг байв. Тэгвэл энэ төрлийн аялал одоо зургаан минут орчим үргэлжлэхээр болж байна.
