Сэлэнгэ аймгийн нэгдсэн эмнэлгийн эмч өвчтөнөө зодсон хэрэг энэ сарын 18-нд гарсан.
Тодруулбал, тус аймгийн эмнэлгийн яаралтай түргэн тусламжийн тасгийн мэс заслын эмч Б нь согтуурсан үедээ өвчтнөө хэл амаар доромжлон цохиж, гар утас булааж эвджээ.
Өвчтөний ар гэрийнхэн уг асуудалд ихээхэн гомдолтой байгаа бөгөөд эмнэлгийн удирлагуудтай уулзах хүсэлтийг тавихад тэднийг огт хүлээж авахгүй байгаа аж.
Мөн тус зодоон болсон 103-ын үзлэгийн өрөөний бичлэгийг эмнэлгийнхэн нь тас нууж, ар гэрийнхэнд нь үзүүлэхээс цааргалсан байна.
Өдгөө зодуулсан өвчтөн эмэгтэйн биеийн байдал сайнгүй байгаа бөгөөд хэвлий, бугалганы орчмоор ил харагдах хөхрөлт няцралт үүсчээ. Гэвч тус аймгийн шүүх шинжилгээний байгууллагаас хохирогч, зодсон эмч хоёрыг хоёуланг нь хөнгөн зэргийн гэмтлийн зэрэгтээй хэмээн дүгнэсэн гэдгийг ар гэрийнхэн хэлж байна.
Тэр бүү хэл, эмчдээ зодуулж эд хөрөнгөө эвдүүлсэн өвчтөн эмэгтэйд цагдаагийн байгууллагаас эрүүгийн хэрэг үүсгэсэн шалгаж эхэлсэн сурагтай.
Өдгөө монгол улсад хэн нэгэнд зодуулж бие, сэтгэл, эрүүл мэндээрээ хохирсон хүн нь буруутгагддаг болоо юу?
