Цагтаа загварын ертөнцөд өөрийн хөөрхөн төрх, ялдам ааш, яруу сайхнаараа үеийнхээ манлайлж явсан бүсгүйчүүд бол Ө.Содгэрэл, Ч.Очгэрэл нар. Тэдний насны зөрүү холгүй хоёр, гуравхан ч гэлээ хуурай эгч дүүсийн харилцаатай.
Загварын тайзнаас илүү фото модель, тоглосон кино клипээрээ танигдсан энэ хоёр бүсгүйд ижилхэн хувь заяа бий.
Тэд хоёулаа бузгай баячуудын хөвгүүдтэй амьдрал зохиож, бэрлэсэн.
Ө.Содгэрэлийн хувьд УИХ-ын гишүүн асан, зурагчин “хүүхэмсэг” гэдгээрээ алдартай М.Зоригтын хүүтэй гэр бүл зохиож, ганц охин төрүүлсэн. Тэрбээр гэр бүлээрээ хилийн чанадад багагүй хугацааг үдэн сурч боловсрон эх орондоо ирсэн юм. Өдгөө Монголын дизайнеруудын холбооны ерөнхийлөгч хийдэг Ө.Содгэрэл бүсгүй Вuro агентлагийн үүсгэн байгуулагч бөгөөд олноо Лаки минт ооны реклам түүнийг баян айлд бэрлэх хувь заяаг түүнд “бэлэглэсэн” гэхэд хилсдэхгүй. Тэрбээр энэ жил 40 нас хүрч буй.
Харин жүжигчин дуучин Ч.Очгэрэлийн хувьд энэ жил 36 настай, дөрвөн хүүхдийн ээж “Алдарт эх”. Тэрбээр Монголбанкны ерөнхийлөгч О.Чулуунбат агсны том бэр. Загварын ертөнцөд 15-16 насандаа орсон тэрбээр нөхөртэйгөө дөнгөж 20 насандаа гэр бүл болж байсан. Тухайн үед их хотын cool охидын нэг байв. Тухайн үед кино, клипээс илүү реклам сурталчилгааны нүүр царай болдог байлаа.
Тэрбээр амьдрал зохиосныхоо дараагаад дуучин, жүжигчний карьераа эхлүүлсэн бөгөөд алдарт “Содура” киноны гол дүрийг бүтээсэн билээ.
