Манай улсын хэмжээнд төвлөрсөн 25 хорих анги байгаа. Гяндан, онцгой дэглэмтэй тус бүр нэг, чанга, жирийн тус бүр 11 хорих анги байгаагаас гадна баривчлах ял эдлүүлэх нэг ангитай. Уг нь нийт 5500 орчим ялтны багтаамжтай эдгээр шоронд одоогоор 6700 гаруй хүн ял эдэлж байгаа гэсэн тоо байдаг ажээ.
Бусдын эрхэнд халдаж, бусдыг хохироосон бол ял зэмээ хүртэх учиртай. Гэвч онц аюултай гэмт хэрэг үйлдсэн хүмүүс төрөөр тэжээлгээд хэвтэж байна. Манай улсад бол онцгой, гяндан, чанга дэглэмтэй хорих ангид ял эдэлж байгаа бол ажил хөдөлмөр эрхэлж, хоногийн шагнал, багахан цалин авах боломжгүй байдаг. Гэтэл бусад улсын хорих ангид ял шийтгүүлсэн л бол төрд, бусдад учруулсан хохирлоо ажил хөдөлмөр эрхлэх замаар барагдуулах, хагаслах ёстой байдаг ажээ. Хорих ангийн ялтнууд төрийн албаны хэрэгцээнд шаардлагатай хувцас хэрэглэл, нэрийн хуудас, дугтуй, гутал зэргээс авахуулаад сайд дарга нарын өрөөнд байрлуулдаг сандал, ширээ, шүүгээ, номын тавиурыг ч үйлдвэрлэдэг.
Гэтэл манай улсад жирийн дэглэмд ял эдэлж байгаа хоригдлууд чулуу буталдаг, барилга дээр ажилладаг, даргын машин угаадаг.
Тухайлбал, энэ жил буюу 2022 онд ШШГБ-ын 407-р нээлттэй, хорих анги ШШГЕГ-тай 144 сая 409 мянган төгрөгийг гэрээ байгуулж, уг бусад хорих ангийн хүмүүжигч нарыг хувцаслахаар болжээ. Тус 144 сая төгрөг татвар төлөгч нарын халааснаас гарч байгаа гэсэн үг.
Бид энэ мэдээллээрээ хэн нэгнийг буруутгах гэсэнгүй. Харин татвар төлөгч нар гэмт хэрэг хийсэн хоригдолуудаа ч бас хувцасладаг гэдгийг онцолж буй юм.
