Монгол Улсаас Тайландын хаант улсад суугаа Элчин сайд Т.Амарсанаагийн эхнэр өндрөөс унаж нас барсан харамсалтай хэргийн талаар тус улсын цахим мэдээллийн хэрэгслүүдэд гарч байна.
Зургийн тайлбар: Монгол Улсаас Тайландын хаант улсад суугаа Элчин сайд Т.Амарсанаа
Тодруулбал, Тайланд улсын нийслэл Бангкок хотын хөл хөдөлгөөн ихтэй Хлонг Тоэй дүүрэгт үүр цайхаас хэдхэн цагийн өмнө Монголын элчин сайдын гэргий,Монгол улсын иргэн Лхамсүрэнгийн Орхон нь 2025.05.09-ны 01:09 цагийн орчимд 17 давхар барилгаас унаж дөрвөн давхрын тавцанд унасан байна.
Зургийн тайлбар: Монгол Улсаас Тайландын хаант улсад суугаа Элчин сайд Т.Амарсанаагийн эхнэр Л.Орхон
Хэдийгээр яаралтай түргэн тусламж цаг алдалгүй ирсэн ч 41 настай эмэгтэйн зүрх нь зогссон байжээ. Эмнэлгийн тусламж ирэхэд түүний дэргэд нөхөр нь болох Монгол Улсаас Тайландын хаант улсад суугаа Элчин сайд Т.Амарсанаа байсан юм.
Л.Орхоныг өндрөөс унахаас хэдхэн минутын өмнө байрны харуулд эмх замбараагүй байдал болж байж болзошгүй мэдээлэл ирсэн аж. Гэвч удалгүй нэгэн эмэгтэй өндрөөс унаж ийнхүү өөд болсон бөгөөд уг хэргийг тус улсын цагдаагийн байгууллагаас шалгаж байгаа аж.
Эх сурвалж: https://thai.news/news/thailand/tragic-fall-orkhon-lkhamsurens-heartbreaking-death-in-bangkoks-khlong-toei
