Арабын Вант Улсад нэг хүний нүүрийг 5-10 сая төгрөгөөр буддаг хэмээн “томордог” makeup артист Беллатай холбоотой санал гомдол сүүлийн үед тасрахаа болилоо.
Тав хоногийн сургалтаа 750 мянган төгрөгөөр үнэлж, хичээл заадаг тэрбээр “мөнгөний үнэр” аван өөрийнхөө мөн чанарыг харуулж яваа бололтой. Чанаргүй сургалттай, харилцааны соёлгүй гэх шүүмжлэл сонсох болсон тэрбээр төлбөрөө төлөөд сургалтад сууж амжаагүй үйлчлүүлэгчдийнхээ мөнгийг буцаан олгохгүй, бултаж гүйх болсон байна.
Түүний сургалтад суухаар 750 мянган төгрөгөө төлсөн ч ар гэрийн асуудал, эрүүл мэндийн шалтгааны улмаас сургалтад нь сууж амжаагүй хүмүүс Беллагаас буцаалт хийхийг хүсэхэд “Буцааж өгнө” гэж хэлчхээд утсаа авахгүй байх, чатад хариу өгөхгүй байх зэргээр “мурьж” явдаг гэнэ шүү.
Дээрх шалтгаануудын улмаас сургалтдаа суугаагүй, мөнгөө буцаан авч чадаагүй хохирогчдын тоо өдрөөс өдөрт нэмэгдсээр байна. Зарим нь өнгөрсөн оны 11 сараас хойш Беллагаас мөнгөө салгаж авч чадахгүй өнөөг хүрсэн хүмүүс ч байгаа аж.
Хохирсон иргэд нэгдэн нийлж нүүр будагч, “худалч” Беллагаас төлбөрөө буцааж авахаар цагдаагийн байгууллагад хандахаар болжээ.
Улмаар олон хүнийг иймэрхүү байдлаар хохироосон түүнд хилийн хориг тавиулахаар хууль хяналтынханд хандахаар болсон байна. Учир нь нүүр будагч Белла ирэх тавдугаар сарын 2-нд алдарт Араб руугаа эргэн явах аж.
Ташрамд дуулгахад, нүүр будагч Беллад төлбөрөө өгөөд сургалтад нь суулгүй мөнгөө алдсан, төлбөрийн хуудас бүхий баримт нотолгоотой хохирогч нарыг 95805225 дугаар утсанд холбогдохыг хүсч байна.
