Сошиал ертөнцөд М.Чингисхаан нэрээр танил болсон иргэн М.Баасанжаргал өчигдөр зогсох эрхгүй газар зогсож замын цагдаа нар шалгуулжээ. 
Тэрбээр энэ тухайгаа өөрийн цахим хуудаснаа лайв хийж “Ядуу Чингис хаанд нь зогсоолын мөнгө байхгүй. Цагдаа нар хэрхэн ажиллахыг харцгаая” гэх зэргээр албан үүргээ гүйцэтгэж яваа цагдаа нарыг нэр устай нь зарлажээ.
Олон эхнэртэй, өөрийгөө энэ цагийн Чингисхаан хэмээн тодорхойлдог тэрбээр нэг бус удаа хууль дүрэм зөрчиж буй юм. Тэрбээр жолооны эрхээ хасуулсан, даатгал оношлогоонд огт ороогүй, автомашиныхаа татварыг төлөөгүй гэдгээ үнэнээр нь хэлж байв. Уг хууль бус үйлдлүүдээ зөвтгөж, цагдаагийн албан хаагчдын тавьсан шаардлагыг үл биелүүлжээ.
Түүний хувьд иймэрхүү Замын хөдөлгөөний дүрэм журам зөрчсөн үйлдлийг нэг бус удаа гаргаж буй. Үүнийгээ ч тэрбээр ил тод зарладаг. Чингисхааны нэрийг зээлдэн хэрэглэж буй бол хууль дүрмээ дагаж болдоггүй “хаан” юм уу гэх хүмүүс ч байна.
Ямартаа ч, Их засаг хуулийг бий болгож явсан Эзэн Чингис хаан энэ цагт хэрвээ “төрсөн” бол нэр зээлдэгч М.Баасанжаргал шиг ийм тавьтаргүй нэгэн байхгүй л байсан байхдаа.
