Урлагийн ертөнцөд өөрийн бүхий л амь, амьдралаа зориулж яваа хүн бол МУГЖ Т.Ариунаа.
Өдгөө 50 насны босго алхсан тэрбээр хүний, өөрийн нийлсэн хоёр хүүтэй. Том хүү Б.Алдар нь бага залуудаа эцэг, эхийнхээ чихнээс нэлээдгүй хонх уяж явсан ч, гэр бүл зохиож, өөрөө эцэг болсноос хойш нам гүм амьдрах болсон.
Харин дуучин Т.Ариунаагаас төрсөн ганц хүү болох Б.Өнөболд хэдийнэ эрийн цээнд хүрч, хэд хэдэн бүсгүйтэй жиг жуг ургуулж байсан түүхтэй. Түүний анхны аав ээждээ ирээдүйн эхнэрээ хэмээн танилцуулж байсан бүсгүй бол Энхнамир гэх адтай бүсгүй. Сэтгүүлч мэргэжилтэй энэ бүсгүй өдгөө The voice of Mongolia шоунд тун амжилттай өрсөлдөж яваа юм. Дуучин Т.Ариунаагийн бэрээр дуудуулж явсан Энхнамир өдгөө ганц бие бүсгүй болсон. Харин дуучин Т.Ариунаад бага хүү Өнөболд нь дахин нэгэн бүсгүйг “бэрээ” хэмээн танилцуулсан нь Б.Нандин гэх энэ охин. Нэр шигээ даруухан, нандин энэ бүсгүйг дуучин Т.Ариунаа тун нааштай хүлээн зөвшөөрсөн гэдэг шүү.
