АТҮТ нийслэлийн бараг бүх дүүрэгт салбар байгуулж, иргдэд төрийн үйлчилгээг ойр хүргэхээр ажиллаж байв. Байв гэдгийн учир нь АТҮТ-ийн салбарууд түрээс төлөн үйл ажиллагаа явуулдаг бөгөөд тухайн газруудынх нь түрээсийн гэрээ дуусч сунгаж чадахгүй нүүдэл суудал хийхэд хүрсэн байна. Гэвч сахил хүртээд шал дордов гэгчийн үлгэрээр нүүдэл хийж очих газрууд нь учир дутагдалтай хэл ам дагуулсаар байна.
Гурвалжингийн гүүрний орчимд байрлах Хөсөг трейдийн байрны түрээсийн гэрээ 2022.05-р сарын эхний өдрүүдэд дууссан тул тус салбарыг хаасан. Улмаар тус салбарыг нүүлгэх болсон ч тодорхой байршил олдохгүй, нүүж очихоор зэхэж буй газрууд нь шүүмжлэл дагуулж байна. Тухайлбал, Хөсөг трейдийн байран дахь салбарыг Хархорин захын орчимд нүүлгэх гэсэн нь түгжрэл нэмж, иргэдийн цаг завыг үрсэн, буруу сонголт гэдгийг эгдүүцэх иргэд байна.
АТҮТ-ийн “Уран ган” ХХК-ийн хашаан дахь салбар нь мөн л асуудал дагуулж байна. Тодруулбал, АТҮТ-ийн байрлаж байсан барилгыг нураах шүүхийн шийдвэр гарсан юм билээ. Улмаар “Уран ган” ХХК-ийн хашаан дахь өөр барилга руу нүүж орохоор болсон ч тус барилгыг нь Улсын комисс хүлээж аваагүй гэдгийг эх сурвалж хэлсэн. Нөгөө талаас авто ломбардын үйл ажиллагаа эрхэлдэг байгууллагын барилгад АТҮТ үнэгүй байрлан суух нь хэр зөв сонголт вэ?
Зургийн тайлбар: АТҮТ нураах шүүхийн шийдвэр гарсан уг барилгыг түрээсэлж байсан.
2000 онд ашиглалтад орсон барилга 2020 онд өргөтгөлөө дууссан бөгөөд уг өргөтгөлөө ч 2000 оных хэмээн бүртгүүлжээ. Тэд хэнийг хуурч байна вэ? Улсын комисс хүлээж аваагүй уг барилгад өнөөдрийг хүртэл үйл ажиллагаа явуулж,”Уран ган” ХХК-ийнхан ашиг олж байна. Уг барилгад буюу улсын комисс хүлээн аваагүй барилгад АТҮТ-ийг үйл ажиллагаа явуулуулахын тулд тус байрны засвар үйлчилгээг нь Г.Олзвой гэх дугаарын ченжийн наймаа эрхэлдэг нөхөр гардан хийсэн байна. Г.Олзвой засвар үйлчилгээндээ 50 грауй сая төгрөгийг зарцуулсан бөгөөд хууль бус байж болзошгүй үйлдлийг нь дэлгэсний төлөө сэтгүүлчийг сүрдүүлж, Баянголын цагдаад “дуудан” сүрийг үзүүлэхийг завдсан гэж байна.
Зургийн тайлбар: Улсын комисс хүлээж аваагүй барилгад АТҮТ-ийг ‘хүчээр’ оруулахаар ийнхүү бэлдэж байв.
Г.Олзвой гэгч нь автомашины дугаарын ченж, гар утасны дугаарын ченж хийдэг нөхөр. Түүний гараар 100 гаруй автомашин орж гарсан гэж байгаа. Тэдгээр 100 гаруй автомашин нь зөвхөн цаасан дээр л үзлэг, оношилгоондоо бүгд бүрэн хамрагдсан гэх юм билээ.
Зургийн тайлбар: Ченж Г.Олзвой
Өөрөөр хэлбэл хууль бус үйлдлийг АТҮТ-ийнхөнтэй хамтран хийсэн гэх мэдээлэл бий. Хэрвээ энэ мэдээлэл үнэн бол ямар гээчийн нөлөөтэй нөхөр гэхээрээ огт байхгүй автомашинуудыг өөрийнхөө нэр дээр бүр хууль ёсны дагуу авсан байна вэ? Хэн зөвшөөрсөн бэ? Огт байхгүй автомашинууд дээр хэрхэн яаж үзлэг, оношилгоо хийсэн бэ? Үл үзэгдэгч машинуудын эзэн хэн байв? гэх зэрэг эргэлзээ төрүүлсэн асуултууд хөвөрнө.
Зургийн тайлбар: Г.Олзвойгийн нэр дээр байсан огт байхгүй ч цаасан дээр оршдог гэх машинуудын бүртгэл
Нэг ченжийн цацсан ‘угаадaс’-аар төрийн өмчит компани амаа олохгүй гударч бялуурдаг юм биш биз? Нийгмийн сэтгэл зүйг эрүүл байлгадаггүй юм аа гэхэд битгий бузарлаач!!!
Төрийн байгууллагын дарга нь ийнхүү хууль бус үйлдлүүдийг өөгшүүлж байгаа мэт ойлголт төрүүлэхээр ойлголт удаа дараа хийлээ. Энэ нь АТҮТ-ийн дарга Б.Гүрсоронзон өөрөө ашиг сонирхолтой байж болзошгүй гэсэн хардлага төрүүлж байна. Ямартай ч АТҮТ-ийн хоёр салбарын энэ дуулианы араас удахгүй циркийн салбарын түрээс дуусч, мөн л хэл ам дагуулахаар байна.
АТҮТ-ийн дарга Б.Гүрсоронзон, НМХГ зэрэг төрийн байгууллага энэ мэт хууль бус үйлдлүүдийн хажуугаар дуугүй өнгөрөхгүй, ажлаа хийвэл олон нийтийн талархал хүлээхээр байна даа уг нь!!!
1 сэтгэгдэл
Husug treid zuv bairlal shu.