“Эмэгтэй хүн жижигхэн байх тусмаа чамин” хэмээх үг иргэдийн дунд байдаг. Түүнчлэн, амжилттай эрийн ард түүнээс илүү хүчирхэг бүсгүй бий гэх үгс бий. Тэгвэл уг үгний эзэн болж яваа бүсгүй бол Реппер Gee буюу Т.Мөнх-Эрдэнийн гэргий Н.Минжирмаа.
Нөхрийнхөө уран бүтээлийг хамгийн ихээр ойлгож, цаг зав гаргаж, ар амьдралаа дааж явдаг тэрбээр реппер залуугаас багагүй насаар дүү. Реппер залуу эхнэрээ дунд сургуулийн ахлах ангийн сурагч байхад нь олж хараад дурласан бөгөөд “Ах нь чамайг хүлээнэ ээ” хэмээн хэлж байсан гэдэг. Өдгөө хоёр охины эцэг эх болсон тэд 2016 онд албан ёсоор хуримласан. Өөрсдийн харилцаа, хайр дурлалын түүхээрээ шинэ үеийн залуусын үлгэр дууриалал болсон гэхэд хилсдэхгүй.
Реппэр Gee эхнэртэйгээ яг яаж танилцсан түүхээ олон нийтэд дэлгэхийг хүсдэггүй. Гэхдээ нэлээд хугацааны өмнө нэгэн сонинд ярилцлага өгөхдөө “Уулзах ёстой хүмүүс уулздаг л юм байна билээ. Жам жамаараа явж байгаад танилцсан” хэмээсэн байдаг. Мөн “миний амжилтын ард энэ хүн байдаг юм шүү дээ” хэмээн гэргийгээ хэлэх нь олонтаа. Ямартаа ч, тэдний сайхан гэр бүлд нь аз жаргал хүсэе.
