Урлагийнхан дундаа авьяас ур чадвар, ааш аалиараа онцгойрдог хүн бол жүжигчин Б. Навчаа. Өөрийн үзэл бодлоо хэнээс ч айж эмээлгүй илэрхийлдэг тэрбээр эцэг эхдээ хаягдсан хөгжлийн бэрхшээлтэй хүүхдүүдэд сураг ажиг тавьж суунa.
Тэрбээр “10 хэдэн жилийн өмнө юмдаг.СЭМҮТ эмнэлэг дээр сэтгүүлчтэй хамт очиж сурвалжлага хийж билээ.Тэр дүр төрх үе үе нүдэнд харагдаж сэтгэл урдаг.Тийшээгээ дахиж 1 очих юмсан гэсэн бодол хааяа нэг эргэлдэнэ.Дээр үеийн өндөр таазтай шавар байшингийн хуучирсан модон шалтай зэвхий цэнхэр өнгөөр будсан шавран ханатай томоохон өрөөнд 10 гаран тооны эцэг эхдээ хаягдсан нийгмээс бүр мөсөн тусгаарлагдсан өөрсдийгөө хүн болж хорвоод мэндэлснээ ч ухаарах ухаангүй хүүхдүүд байж билээ.Маш өрөвдөм дүр төрх одоо ч нүдэнд харагддаг.Тэд нарыг хэдэн асрагч л тойлдог өөр хэн ч тоож ирдэггүй харьцдаггүй байх гэмээр.
Энэ жил очиж болох уу? гэж удирлагаас нь асуулаа.Тэр хүүхдүүд одоо том болсон.Манайх тийм хүүхдүүд авахаа больсон.Энгийн хүүхдүүд хэвтэж эмчлүүлдэг болсон гэсэн хариу сонслоо.
Ийм хүүхдүүд огт төрөхөө болино гэж баймааргүй юм.Хаашаа очдог болсон юм бол мэдэж байгаа хүн байвал надад хэлж өгч туслаач” гэжээ
