Цагдаагийн нэр бүхий хурандаа нар Чингэлтэй дүүргийн нутаг дэвсгэрт байрлах караокены газарт цэнгэн хөгжилджээ.
Улмаар ууж, идсэн тооцоогоо хийлгүй гарч явсан бөгөөд тооцоогоо хийхийг шаардахад агсам тавьж сүржигнэсэн гэх мэдээлэл байна.
Тодруулбал, Цагдаагийн хурандаа нар тухайн караокены LCD дэлгэцийг нь хагалж, тооцоогоо хийлгүй гарч явсан байна. Улмаар тооцоогоо хийхийг хүсэхэд ЦЕГ-ын ХМТ-ын дарга, цагдаагийн хурандаа Б.Баатархүү “ Чи намайг танихгүй байна уу? Үйл ажиллагааг чинь зогсооно, шалгалт оруулна” гэх мэтээр сүрдүүлсэн болохыг эх сурвалж мэдээлсэн юм.
Зургийн тайлбар: ЦЕГ-ын ХМТ-ийн дарга, цагдаагийн хурандаа Б.Баатархүү
Уг хэргийг Цагдаагийн ерөнхий газрын Дотоод хяналт, аюулгүй байдлын газраас шалгасан гэх мэдээлэл байна.
Энэ бол цагдаагийн нэр барьж энгийн иргэдийг сүрдүүлдэг, төрийн хувцсаар айлгадаг, жижиг дунд бизнесийнхнийг дарамталдгийн зөвхөн нэг жишээ юм.
Караокены газраар үйлчлүүлэхэд байсан цагдаагийн хурандаа нарын нэрс, тооцоо нь хэд болсон, ЦЕГ-ын Дотоод хяналт, аюулгүй байдлын газраас ямар шийдвэр гаргасан талаар болон гэрчийн мэдээллийг бид эргэж хүргэх болно.
А.Баярмаа
1 сэтгэгдэл
Үнэн юм уу? Хэв журам сахиулагчид нь ингээд байхаар яах болж байна аа. Цагдаагийн удирдлага маш муу, буруу ажиллаад байгаа юм биш үү. Аливаа асуудлыг сүр хүчээр далайлгадаг, хүнд хэцүү тушаал, үүрэг даалгавар, юу юуны туханд хүрээгүй хүч хэрэглэх, бусдыг дарамтлах байдлаар шийддэг арга барилаасаа салаагүй л байна даа. Цагдаагийн албан хаагчид нь ч ойлгохоо байж, залхаж гүйцлээ. Нэг л их пээдгэр, хөмсөг зангидсан, алба хаагчдаа зандарч айлгасан хурандаанууд!!! Хөөрхий Баатархүү хүртэл энэ шударга байдлаас болж архи ууж агсам согтуудаа хүрсэн нь ажил үүргээ хэвийн гүйцэтгэхэд хэцүү байдалд орсныг харуулаад байгаа юм биш үү. Ер нь их дээрэнгүй, тэтгэвэртээ гарч энгийн болсон алба хаагчдынх нь дээрэнгүй, харьцаа муутай, юм л бол зодож цохихыг урьдал болгосон нөхөд байх юм аа. Засаг төр нь анхааралдаа авч, цагдаагийн алба хаагчдынхаа эрх ашгийг хамгаалах, төрийн эрхтэн дархтнуудын буруу үйлдлийн төлөө цагдааг нохойд барьдаг байдалдаа дүгнэлт хийх болсон шүү. МАН-ын энэ томилгоонууд нэг л биш ээ.