Бооёогийн үзэсгэлэнт гэргийн нууц best seller болжээ

Хошин урлагийн “Шинэ үе” хамтлагийн ахлагч МУГЖ Н.Ариунболд буюу Бооёогийн гэргий Ганцэцэг нөхрөөсөө дутуугүй алдаршиж яваа. Өдгөө дөрвөн хүүхдийн ээж болсон тэрбээр гоо үзэсгэлэнгээрээ 25-тай бүсгүйчүүдээс ялгардаггүй. Өөрийнхөө гоо сайхны нууцыг хувийн цахим хуудсаараа хуваалцдаг байсан тэрбээр “Хэн ч яагаад хэлээгүй юм бол” гэх номоороо өдгөө уншигчдыг байлдан дагуулж байна. Тус номонд өөрийн өмсдөг хувцас, иддэг хоол, уудаг ундааныхаа талаар дэлгэрэнгүй бичиж, дадал зуршил өөрийг нь бүтээснийг онцолжээ. Түүний гоо сайхан байхын нууцыг дэлгэсэн тус ном нь өдгөө номын их дэлгүүрийн хамгийн их борлуулалттай номоор нэрлэгдээд байгаа аж.