Хошин урлагийн Х-Түц хамтлагийн ахлагч, МҮОНРТ-ийн удирдах зөвлөлийн гишүүн, МУГЖ Н.Онон сошиалд тун идэвхитэй нэгэн. 
Түүний хувьд удам угсаагаараа бахархаж өөрийн цахим хуудаснаа таван үеийн түүхээ зурган хэлбэрээр оруулжээ.
Эрхэм жүжигчний хувьд өөрөө улсын нийслэл Улаанбаатар хотод төрсөн ч, уг гарвал нь Хэнтий аймгийн Бат-Ширээт сумын “Онон гурван харуулынх” гэдэг овог угсааны хүн ажээ. Түүний өвөг эцэг нь харуул занги хүн байсан ч, дараагийн үе нь лам хүмүүс байсан аж. Жүжигчин Н.Онон өөрөөсөө дээш гурван үеийн үүх, түүхээ мэддэг гэдгээ гайхуулах дуртай. Өөрөө болон өөрийнхөө хүүтэй нийлүүлээд ийнхүү 5 үеийнхээ зургийг дэлгэсэн байна.
Түүний аав ээж хоёр хоёулаа эмч мэргэжилтэй хүмүүс байсан бөгөөд өөрөө айлын отгон хүү. Дээрээ ганц эгчтэй аж.
