Уртын дуучин Г.Эрдэнэчимэгийг УИХ-ын гишүүн асан С.Жавхлангийн эхнэр, дөрвөн хүүхдийнх нь ээж гэдгээр монголчууд андахгүй.
Хэзээнээс байгалиас заяасан гоо үзэсгэлэнгээрээ олноос онцгойрдог тэрбээр монгол ахуй, өв соёлоороо гоёх дуртай. Тиймдээ ч өдгөө хөдөө нутгаа зорьж, айраг цагаа идсэн шигээ амарч буй гэрэл зургаа нийтлэх болжээ. 
Түүний хувьд Архангай нутгаас гаралтай, малчин айлын охин. Өдгөө 37 настай тэрбээр монгол дээл, хувцасны соёлд өөрийн хэв шинж, загвараа оруулах болсон. Хүннү захтай дээлийг өдгөө “Эрдэнэчимэгийн” гэх тодотголтой болгож чадсан нэгэн билээ.
