Хошин урлагийн Макс хамтлагийн тулгийн гурван чулууны нэг бол МУГЖ Ж.Мөнхсайхан.
Тэр бүр хэвлэлд ярилцлага өгч, өөрийнхөө эго-г тодорхойлдоггүй тэрбээр тун даруухан нэгэн. Түүнийг бид энэ удаад папараци дурандаа онцолж байна.
Авьяаслаг жүжигчин Ж.Мөнхсайханы хувьд энэ жил 50 нас хүрч буй. Тэрбээр 1972 оны арваннэгдүгээр сарын 27-нд Говь-Алтай аймагт төрсөн. Тэрбээр СУИС-ийн драмын анги төгссөн бөгөөд олонд хүлээн зөвшөөрөгдсөн гавьяатуудын нэг юм. “Өнгөт инээд” хамтлагт ажиллаж байсан жүжигчин Ж.Мөнхсайхан өдгөө “Маск” продакшнд ажиллаж буй билээ.
Түүнийг хошин урлагийнхан төдийгүй найз нөхөд нь нэрийг нь товчлоод “MC” гэж дуудаг. Тэрбээр тайзны уран бүтээлд хөдөөний хүү болоод эмээгийн дүрийг хамгийн чадварлаг гаргадаг жүжигчин юм.
