Дэд ахлагч Номин гэхлээр шууд л загвар өмсөгч Б.Гэрэлчулуун бууж ирж байгаа биз. Түүнийг бид “Тусгай салаа” олон ангит уран сайхны киногоор нь илүү сайн мэднэ. Гэрэлчулуун тайзнаа алхаж, реклам, клипнээ өөрийн сайхан инээмсэглэлээрээ гэрэлтдэг байсан.
Тэгвэл тэрбээр өдгөө гуравдахь хүүхдээ төрүүлэхээр бэлтгэлээ базааж буй аж. Саяхан гэр бүлээрээ хөдөө орон нутгаар аялал хийгээд ирсэн тэрбээр энэ тухайгаа цахим хуудаснаа онцолсон байна.
Сонирхуулахад, тэрбээр гэр бүл зохиохоосоо өмнө мөнгөтэй залуусын болзооны урилгад “Одоогоор эцэг, эх маань надад хоолны мөнгө өгөх чадалтай байгаа” гэж шулуухан хэлээд татгалздаг хэмээн ярьж байсан. Гэвч тэрээр хүүхэмсэг алдарт алтны магнайт Ц.Мянганбаяр, жүжигчин Тэмка нартай нэр холбогдож явсан түүхтэй.
