…Чулуу болгоныг мэдэрч нимгэн хөх урсгал минь дээ…даан ч яав даа
…Үдлээд буцдаг хүний энэхэн хорвоод хүний хайлан , Ард түмний хайртай хүү ,халамжит хань минь байсан. Хүний энэхэн өнгөт хорвоогоос ийм амархан аваад явчихна гэж даанч санасангүй явлаа …
Ямар сайхан хайр минь билээ
Яруусал эгшиглэнт хань минь байлаа
Ямар бахархалт аав минь билээ
Ялагдашгүй гавьяат өвөө минь байлаа
Энэ хагацал бидэнд хэлж ирсэнгүй
Эмчид очих ч боломж олгосонгүй
Дэндүү сайн дуучин гээд
Дэлхий ээж өршөөсөнгүй
Дэргэд нь хань хүүхэд нь байна гээд Дэм тусч болсонгүй ээ
Амьдрал ямар хатууг хормын зуур мэдэрлээ…
Амьдралын минь түшиг тулгуур хорин таван жил намайг болон үр хүүхдээ гэж хайрын дээдээр хайрлаж, эрхлүүлж, явсан ачтан минь байлаа.
Ширгэшгүй авьяасын ундарга , хүний төлөө төрсөн гэмээр цайлган цагаан тусч нэгэн байсан. Энэ л өдөр сайхан хань минь ертөнцийн мөнх бусыг үзүүлж, дээд тэнгэрт заларлаа.
Хайртай хань, үр хүүхэд,зээ, ач нар нь
УМ-МА-НИ-БАД-МЭ-ХУМ
МУГЖ М.Бямбажав агсны гэргий Т.Эрдэнэцэцэг
