Өнгөрөгч баяр наадмын нээлтэд рок попын “акул”-уудтай хамтран гоцлон дуулж, уянгалаг тансаг хоолой, үзэсгэлэнт төрхөөрөө олны харцыг булааж байсан дуучин Мишээлийг манай сайт папараци дурандаа онцолж байна.
Өнгөрсөн хаврын турш үргэлжилсэн “Яг түүн шиг” шоуны шилдэг оролцогчдын нэг тэрбээр СУИС-н шилдэг оюутны нэг. “Никитон” хамтлагийн дуучин гэгддэг тэрбээр Урлагийн гавьяат зүтгэлтэн Б.Чинбатын “One music” продакшны артист, Б.Чинбатын хань, “Sweetymotion” хамтлагийн дуучин Ц.Сарнайгийн гарын шавь. Түүний тайзны нэр нь “Michelle”. Ч.Мишээл “Шинэ үе” дунд сургуулийг төгссөн бөгөөд хүчирхэг, уянгалаг хоолой, өвөрмөц төрхөөрөө тэр бусдаас эрс ялгардаг. Түүний аав нь чех, ээж нь монгол хүн.
Дуучин болохыг багаасаа мөрөөдсөн тэрбээр багадаа “Хүүхдийн ордон”-ы дугуйланд явдаг байжээ. Харин 2016 онд “My voice” шоунд оролцон, олны хараанд анх өртсөн юм. Тэрбээр “My voice”-ын эхний шатанд “Содура” киноны дууг дуулж шүүгчдийг алмайруулж байв. Түүний дараагаар “Төгс төгөлдөр”, “Цэцэрлэгт учирсан хоёр”, “Урвахгүй” дууг дуулсан нь мөн л шуугиулсан.
“Никитон”-ынхон “Nicitin no service” шоунд оролцоход Ч.Мишээл дэлгэцийн өмнө дахин гарч ирсэн. “Michelle” 2020 оноос “One music” продакшны артист болж, Б.Чинбат, Ц.Сарнай нартай хамтарч буй. Энэ үеэс ганцаарчилсан уран бүтээлдээ түлхүү анхаарч байгаа. Түүний анхны уран бүтээл нь “Санаж байна уу” дуу. -Дараа нь “Хүслээ бод”, “Чи амласан”, “Ээж” зэрэг уран бүтээлээ гаргасан нь урлагийнхнаас ихээхэн өндөр үнэлгээ авсан.
