Загварын ертөнцийнхнөөс дутахааргүй имиджээ бүрдүүлж, донжтой гоё сайхан хувцасладаг бүсгүй бол үзмэрч Нямаа. Тэнгэр газар аргадаж, түмнээс онцгойрох чадвартайгаа баталсан түүнд Төрийн томчуудаас эхлээд эгэл бор амьдралтай иргэд ч ажил амьдрал, үйлс бүтээлээ даатгах нь бий.
Зарим муйхар хүмүүс далдын увидасаараа “далайлгаж” хоногийн хоолоо олдог гэж ойлгодог. Яг үнэндээ тэрбээр тэнгэр газар, лусын үйлээрээ өнөөгийн элбэг хангалуун амьдралаа бүтээгээгүй. Тэрбээр мод үржүүлгийн газартай бөгөөд бүхий л төрлийн мод, бут сөөгийг тарьж түүнийгээ бусдад борлуулдаг юм билээ. Үүгээрээ өнөөгийн энэ амьдралаа бий болгосноо ч нуудаггүй.
Тэрбээр бага залуу наснаасаа хөгжилөөрөө тэргүүлэгч, ногоон орчинтой Европт амьдарсан учраас их хотоо ногоон байгууламж болгох мөрөөдөлтэй гэсэн шүү.
