2022-2023 оны хичээлийн шинэ жил эхлээд хэдхэн хонож байхад ЕБС-уудын захирлуудтай холбоотой асуудал нийгмийн анхаарлыг татаж байна. 
Тодруулбал, нийслэлийн Баянзүрх дүүргийн 28-р дунд сургуулийн захирал, удирдлагууд хүүхдэд зориулсан “Үдийн цай” хөтөлбөрөөс их хэмжээний мөнгө завчуулдаг болохыг нэгэн иргэн цахим хуудаснаа онцолжээ.
“Үдийн цай” хөтөлбөрт зориулан нэг хүүхдэд төсвөөс 1500 төгрөгт тооцон, сургуулийн данс руу мөнгийг нь хийдэг. Гэтэл Нийслэлийн ерөнхий боловсролын 28-р сургууль тус мөнгөнөөс зөвхөн 650 төгрөгийг хүүхдэд зарцуулахаар сургуулийн хоолны газрын тендерт ялалт байгуулсан иргэн, аж ахуйн нэгжтэй гэрээ хийсэн бололтой.
Тухайн иргэний мэдээллээр, Үдийн цай хөтөлбөрийн хүрээнд 1 хүүхдэд 1500 төгрөгийн хоолоор үйлчлэнэ гэж гэрээ хийсэн боловч, голоос нь сургуулийн захирал, нягтлан, нярав нь 850 төгрөгийг нь “шимтгэл” нэрээр гурав хувааж аваад, гал тогоонд үйлчилгээ үзүүлэгчтэйгээ нэг хүүхдийн хоолыг 650 бодож тооцоо хийсэн гэнэ. Улсаас орж ирж буй мөнгө нь 1 хүүхдийн хоолыг 1500 төгрөгөөр тооцсон, нийт 20-25 сая төгрөг гэнэ.
Дотроо мафижсан иймэрхүү ЕБС-уудын удирдлагуудад хэрхэн хариуцлага тооцох вэ, Боловсролын сайдаа.
Өнөөдөр өргөн хэрэглээ, хүнсий бараа бүтээгдэхүүний үнэ нэмэгдсэн байхад хүний олон үрсэд 650 төгрөгийн хоол өгнө гэдэг чинь байж боломгүй зүйл биш гэж үү…
