Хошин урлагийн амьд домог Л.Чаминчулуун манай дуранд

Монголд хошин урлагийн театрыг анх байгуулалцаж, урлагт бие сэтгэлээ зориулж явсан эрхэм хүн бол МУГЖ Л.Чаминчулуун билээ. Өдгөө 1980 онд хойно сургуульд төгсөж ирсэн тэрбээр Б.Батзаяа, Туяа, Батсүх, Сосорбарам нартай хамтран 1990-ээд онд монголд хошин урлагийг үүсгэн байгуулалцаж байв.
Түүний энэ удаагийн папараци дурандаа онцолж байна. Залуу насандаа цовоо сэргэлэн, зальтай бүсгүйн дүрд тоглодог байсан тэрбээр эсрэг дүрийн мастер гэхэд болно.
Тэрбээр мэргэжлийнхээ талаар ярихдаа “Миний багын мөрөөдөл жүжигчин болох байсан юм. Дуулж, бүжиглэж, шүлэг уншдаг, урлагт элэгтэй хүүхэд байв. Аав минь Соёлын яамны хариуцлагатай ажилтан байлаа. Тэгээд намайг Хөгжим бүжгийн сургуулийн шанзны ангид оруулчихгүй юу. Гэхдээ хүний хүсэл гэдэг барьж болдоггүй хэцүү юм билээ. Анх драмын театрт үйлчлэгчээр орж байлаа. Тэгээд нүүр будагч болсон. Эндээс л миний жүжигчин болох гараа эхэлсэн дээ. Тухайн үеийн мундаг уран бүтээлчдийг харж, бахархаж, биширч явсан. Сэтгэлд минь эдэн шиг мундаг жүжигчин болохсон гэсэн хүсэл оргилж байсансан” гэжээ.