“Морины” Л.Нарантуяа манай дуранд

“Морины” хэмээн алдаршсан гавьяат жүжигчин Ж.Нансалмаагийн отгон шавь Л.Нарантуяаг мэдэхгүй хүн үгүй. Нийтийн дууны урлагт багшийнхаа замналаар морин эрдэнийг магтан дуулж, өнөөгийн өндөрлөгт хүрсэн түүнийг папараци дурандаа онцлон буулгалаа.
Дуучин бүсгүйн хувьд Завхан аймгийн Идэр сумын харьяат бөгөөд морины тухай дуулаад 15 жилийн нүүр үзэж байна. Тэрбээр долдугаар ангиасаа “Талд унасан жавар”, “Сэндэр охин” зэрэг ардын дуу дуулж байсан ч дуучин болно гэж бодож байгаагүй аж. Харин 2008 онд багштайгаа анх уулзаж шавь орж, урлагт хөл тавьж байжээ.