Өнгөрсөн долоо хоногийн даваа гаригт иргэн Ч.Маралмаа гэх бүсгүй автозам дээр 7 машин мөргөөд, замын дэргэдүүр зүгээр алхаж явсан хоёр айлын хоёр охиныг хуу хамж дайраад чирч яваа бичлэгийг эрхэм уншигч та үзсэн биз ээ.
Сэтгэл сэрдхийм, зүрх зүсэгдэм тус бичлэг нь өнөөдөр суурин газарт амьдарч буй хэн бүхэнд эрүүл байтугай аюулгүй амьдрах нөхцөл байхгүйг тодхон харуулсан гэхэд болно.
Өөрсдөө бүү хэл, хань ижил үр хүүхдүүдээ авто замаас хол, автомашинаас хол, баригдаж буй барилгаас хол явахыг сануулж, алхам тутамдаа анхаарал болгоомж, сэрэмжтэй байхыг сануулж амьдарч эхэллээ.
Анхаарал болгоомжоосоо болж өөрсдөө ч сэтгэлзүйн айдас, дарамтад орж байна. Эргэн тойрны айдас, нийгмийн стресс, бухимдал, аюултай орчин, сошиал орчны гаж нөлөө монголчуудыг биднийг аюулгүй амьдрах аргагүй болгож байгаа нь тун харамсалтай
