Улсын унаган үйлдвэрүүдийн нэг Сүү хувьцаат компанийг “Макс” групп хувьчилж, үйлдвэрлэлийг үргэлжлүүлээд хэдэн оны нүүр үзэж буй. Бараа бүтээгдэхүүний сав баглаа боодолд өөрчлөлт орсноос илүүтэй, бусад бараа бүтээгдэхүүн яг хэвээрээ буй.
Гэвч хоёр жилийн өмнө 2800 төгрөгийн үнэтэй байсан сүү энэ онд 5800 төгрөгт хүрчээ. Өөрөөр хэлбэл, хоёрхон жилийн дотор нэг дахин үнээр нэмэгдсэн гэсэн үг.
Түүхий эдээ монголоос авдаг байтлаа, ийм өндөр үнээр сүүгээ борлуулж буй “Сүү” Хувьцаат компани иргэдээсээ ичих хэрэгтэй.
Түүнчлэн, зөвхөн сүүний үнэ нэмэгдсэнгүй. Сүүн бүтээгдэхүүн болох ааруул, ээзгий, масло зэргийн үнэ тодорхой үнийн дүнгээр өсчээ. Тус компанийн зүгээс цагаан сарын баярыг төгрөгөөр худалдаалдаг байсан хорхой ааруулаа 17500 төгрөг болгон нэмсэн байна.
Ямартаа ч, монголын тэрбумтнуудын нэг гэгддэг “Макс”-ын Д.Ганбаатар 500 мянган төгрөгийн тэтгэвэр авдаг настай буурлуудаа “хар” цайтай байлгахаар шийдсэн бололтой.
Мөн цагаан идээнээс кальц витаминаа авах хүүхэд, жирэмсэн эхчүүдийн эдийн засгийн байр байдлыг үл хайхарч ашиг хонжоог нэн түрүүнд тавьж, “хагартлаа” баяжихаар шийдсэн бололтой.
