Соёлын яам сонгуулийн яам болсон уу?

Соёлын яамгүй л бол сөнөлөө, монголын соёлын өвийг урагш нь зөөлөө, булш тоногдлоо, яах вэ гэж энэ мэт олон шалтгаан байсан учраас Монгол улс соёлын яамтай болов. Энэ яам байгуулагдаад яг юу хийв. Чингис хааны музейг Ерөнхийлөгч нь л шавдуулж байж бариулснаас өөр гялайж гялтайх ажил алга.

Соёлын сайд нь соёлоо ярихгүй орчин үеийн контемпрари урлагийг “соёл” гэж ойлгоод гадны улс оронд тэрийгээ сурталчлаад явахаас хэтрэхгүй.
Энэ яам ямар ч үйлийн үртэй яам юм, хөөрхий. Бас нэг гэр бүлийн бизнесийг илт дэмждэг яам болоод 3 жил болов. Бөө ярьдаг Дулам, түүний хүү Ерөнхийлөгчийн шашин, соёлын зөвлөх, бөө судлаач Д.Бум-Очир хоёр яам болон харьяа байгууллагын хамаг төсвийг хамтран цөлмөдөг боллоо гэдгийг салбарынхан нь яриад эхэлжээ.

Ийнхүү Дуламын удаах хүү Д.Бум-Эрдэнэ нь өөрийн маркетингийн судалгаа хийдэг компаниараа дамжуулаад соёлын яам дээр соёлын өрсөлдөх чадварын судалгааг маш үнэтэй хийж, 3000 хүнээс судалгаа авсан болоод төсөл хаагдсан гэж тус яамныхан ярьж байна. Тэгвэл Бум-Эрдэнэ нь бүр энэ яаманд зөвлөхөөр томиглогдон ирсэн сурагтай.

Түүний хүү Бум-Очир Ерөнхийлөгчийн зөвлөхөөр томилогдон очоод аавыгаа уулын тахилгад хөлслөн авч явж, нууц товчооны 100 саяын төсөл аваад түүнийгээ ШУА-д шилжүүлж өгөөд нууц амраг болон аавыгаа ажлын хэсэгт оруулаад дамжуулж мөнгө цохиж явна. Мөн дэргэдэх Монголын үндэсний комиссын удирдах зөвлөлийн даргаар найзыгаа томилж, мөн ЮНЕСКО-гийн Нүүдлийн соёл иргэншил судалын хүрээлэнгийн удирдах зөвлөлийн даргаар өөрөө болж, давхар өрөө эзэмшиж, найзыгаа гүйцэтгэх захирлаар нь тавьж, шавиа эрдэмтэн нарийн бичгийн даргаар нь тавиулж тив дамнан төслийн хулгай хийж байгааг бас л салбарынхан нь яриад баримт цуглуулаад эхэлжээ.

Тэгвэл тэдний энэ удаагийн ээлжит ажил нь хүү Бум-Очирыгоо Хонгор нутгийнханд таниулж намар болох сонгуульд сойх зорилгоор Баянхонгор аймагт “Монгол монголоороо” лекц уншиж 20 сумаар “Хөсөгтөн” хамтлагтай тойрч явна. Соёлын яам, Ерөнхийлөгчийн тамгын газар энэ гэр бүлд ямар өртэй вэ?

Бидний татварын мөнгөөр Англи улсад боловсрол эзэмшсэн Бум-Очир бас л энэ удаад бидний татварын мөнгөөр аавынхаа нутагт аавтайгаа өөрийгөө таниулахаар 2 жииптэй хамтлаг хөлслөн явна. 20 сумаар 2 жийптэй тойрох зардал, “Хөсөгтөн“ хамтлагийн хөлс хэд болж байгаа вэ? Чинбатын Номин сайд аа.