60 саяын цэцэг зарж явсан “Lumi” цэцгийн дэлгүүрийн эзэн ууртай явна

Өнгөрсөн оны 11 сард нэгэн иргэн хайртай бүсгүйдээ 60 сая төгрөгийн үнэ бүхийн улаан сарнайг гэрт нь хүргүүлсэн мэдээлэл сошиалд цацагдаж багагүй шуугиан тарьсан. Тэгвэл тус цэцгийг борлуулсан гэх “Lumi” цэцгийн дэлгүүрийн эзэн Д.Анарчулуун ихээхэн ууртай яваа сурагтай.
Учир нь тус цэцгийн дэлгүүрийн баглаа, боодол, савалгааг “Madam premium flowers” цэцгийн дэлгүүрийнхэн яг таг дууриаж худалдаанд борлуулж байгаа нь Д.Анарчулуун бүсгүйн дургүйцлийг төрүүлээд байгаа аж.
Энэ талаар тэрбээр өөрийн цахим хуудаснаа “Анхаараарай. За, бүүр хэлэхгүй бол болохоо байлааа…Madam_premium flowers намайг блок хийчихсэн байна. Инээдтэй юм. Хүний хөдөлмөрийг зүгээр л 100% copy paste хийгээд авчихдаг өөрийн гэсэн тархигүй хичнээн олон жил сарын хөдөлмөрийг минь зүгээр өглөө босоод юу ч бодолгүй нэг бүрчлэн copy paste хийчихдэг. Ичих нүүр гэж байна уу .
Ядаж хажуу хавирганы хүмүүсээсээ санаа зовж жаахан ч гэсэн ичдэг байгаасай. Их л ухаантай өөрөө чадчихсан юм шиг сторий пост оруулчихдаг. За, бас ингээд болоогүй Амжилтай яваа бизнэс болгоныг Хуулбарлаж дуурайдаг Болгоомжлоорой ,хүмүүсээ
Үнэхээр өрөвдмөөр юмааа. Заа баглаа боолт дуурайж болно бүүр дотор засал дэлгүүрийн интерьр хүртэл дуурайна гэж байх уу” хэмээн бичжээ.
“Lumi” цэцгийн дэлгүүрийг дууриасан гэх Madam_premium flowers дэлгүүр нь сошиалд Khulangoo Jambalsuren нэрээр танигдсан бүсгүйн хувийн бизнес билээ.