Дуучин Р.Дэлгэрмаа элсэлт авч буй хувийн сургуулиудыг шүүмжлэв

Нийтийн дууны салбарт өөрийн уянгалаг дуу хоолойгоороо олноос онцгойрч танигдсан уран бүтээлч бол Р.Дэлгэрмаа. Өдгөө 40 насны босго алхсан тэрбээр ганц хүүтэй. Ганц хүү нь дунд сургуулийн 3-р ангийн сурагч. Гэвч дуучин бүсгүйд балчир настнуудаас элсэлт авч сургуульдаа элсүүлж буй хувийн хэвшлийн дунд сургуулийнхан таагүй сэтгэгдэл төрүүлжээ. Энэ талаараа тэрбээр өөрийн цахим хуудаснаа онцлоод “Одоо чинь ямар ч олон гоё гоё( ХУВИЙН) дунд сургууль байдаг болсон юм бээ. Орчин, сургалт хэлэх юмгүй хичнээн ч хэл заадаг юм бээ. Багаас нь хүүхдийг тал бүрээр нь хөгжүүлэхээр чинь жинхэнэ супер хүүхэд төгсдөг юм байгаа биздээ хэ хэ. Тэгээд бодох нээ маниус ч ёстой гурилддаг байжээ гэж…
Заа тэгээд бас их алдаа оноо байх юмаа судалж судалж энэ л сургуульд хүүхдээ сургая гээд л эцэг эхчүүд очоод л бүртгүүлчихнэ. За тэгээд сүртэй сүртэй 5 настай нялх амьтнаас чинь шалгалт аваад л эцэг эхээс нь хүртэл асуулт асуугаад л (USA визэнд орж байгаа юм шиг) бөөн л юм болох юм. Гэтэл ихэнх сургууль 100-д хүүхэд элсүүлнэ гэсэн байх юм тэгтэл хэдэн зуу, мянгаараа хүүхэд бүртгүүлчих юм. Шалгалтын хариу гарч ихэнхэд нь (бараг 80-90%) тэнцсэнгүй гэж ирэх юмаа.(Тэнцсэн бяцхануудад бүгдэд нь баяр хүргэж амжилт хүсье) Хөөрхий минь юугаа ч мэдэхгүй жаахнуудаас юу асуугаад тэнцүүлж, юуг асууж тэнцүүлдэггүй юм байгаан бүү мэд. Нэг тийм ялгаад байгаа ч юм шиг эвгүй мэдрэмж төрөх юм.(шалгалт авах нь тухайн сургуулийн дүрэм журам байдаг байх оо)
Жил болгон л анзаарагддаг зүйлээ л бичив… Дараа жил бас л ингэж бодогдоно байхдаа …..” гэжээ.