Ураач Р.Батцэнгэлийн “МОРИН ХУУРЫН ДУУЛЬ” номын нээлт Монголын Үндэсний музейд өнөөдөр /2023.04.07/болно.
Түүний энэхүү шинэ бүтээл нь адал явдал дүүрэн, онц сонирхолтой анимейшн кино мэт зурган өгүүлэмжтэйн дээр танин мэдэхүйн тайлбартай гэдгээрээ бусад бүтээлүүдээс онцлогтой болжээ. Зохиолын үндсэн өгүүлэмж нь морин хуурыг бүтээсэн тухай домгоос сэдэвлэсэн бөгөөд олон сонирхолтой домгуудыг багтсан байна.
Зохиол бүхэлдээ эртний Монголчуудын оюун санааны ертөнц, хүрэл зэвсгийн үеэс өнөөг хүрсэн уламжлал, өв соёлын хэлхээ, залгамж чанарыг нээн харуулж, аман зохиолын уламжлалыг шингээсэн танил хэрнээ шинэлэг бүтээл болжээ.
“Морин хуурын дууль” ном нь Монголчууд бидний ахуй эрс өөрчлөгдөн хүүхэд багачууд маань үндэснийхээ соёл, уламжлалаас улам холдож буй өнөөгийн нөхцөлд түүх, археологи, угсаатны зүйн судалгаанд үндэслэн бүтээсэн энэхүү ном ирээдүй хойчид ихийг ойлгуулах, оюуны хөрөнгө оруулалт юм. Номын танин мэдэхүйн тайлбарууд нь биет, биет бус соёлын өвүүд болон эртний Монголчуудын ертөнцийг таньж мэдсэн төсөөлөл, шүтлэг, зан заншлын талаарх суурь ойлголтыг хүүхдүүдэд төдийгүй томчуудад өгөх болно.
Ташрамд дуулгахад, зураач Р.Батцэнгэл 2014 онд “Монголын нууц товчоо түгээмэл эх” цуврал зурагт ном гаргаж байсан. Дэлхийн 10 гаруй орны хэл дээр хэвлэгдэн борлуулагдаж байгаа тус бүтээл нь “Мөнгөн мод-2021” наадмаас шилдэг ном хэвлэлийн төрөлд шалгарсан билээ.
