Боловсролын зээлийн сангаас зээл аваад эргүүлэн төлөөгүй зээлээ тэглүүлсэн төрийн томчуудын хүүхдүүдийн асуудал нийгэмд нэлээд дуулиан шуугиан тариад байна. Хэлтэй амтай бүхэн энэ зээлийн асуудлаар хэлэлцүүлэг өрнүүлж, хэрэлдэж уралдаж сууж байна. 
Бусдын буюу жирийн ард иргэдийн сурах хөгжих боломжийг хулгайлсан уг асуудалд олны танилууд нэлээд ач холбогдол өгч бухимдлаа илэрхийлж байгаа харагдана.
Тэдний нэг нь реппер Цэцэ буюу Н.Цэцэнбилэг юм. Тэрбээр “Ёстой тогооч хийгээд дуугаа дуулаад сургуулиа төгссөн дөө. Өөрийнхөө төлөө” гэжээ. Тэрбээр дуулахаас гадна тогооч хийж хоолыг ёстой урлаж “уйлуулдаг” нэгэн билээ.
